تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

09.05.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

09.05.2019

түркийә авази радийоси: «‹йеңи шәпәқ› гезити», « Türksat 5A ни қойуп бериш вақти ениқ болди» сәрләвһилик хәвиридә, төвәндики мәлуматларни оқурмәнлириниң диққитигә сунди:

түркийәниң сүний һәмраһ ширкити түрксатниң баш директори җәнк шән, Türksat 5A сүний һәмраһниң келәр йилниң иккинчи чарикидә америка қошма иштатлириниң флорида иштатидики бир   қойуп бериш суписидин қойуп  берилишиниң пиланлиниватқанлиқини әскәртти.

«‹һөрийәт› гезити», «сайаһәтчиләрниң әң җәзбидарлиқ макани анталйа» сәрләвһилик хәвиридә, төвәндики мәлуматларға орун аҗратти:

анталйа бултур икки айродурумда 13 милйон 591 миң 17 сайаһәтчини, 5 наһийәдики муһим портлар қатарлиқ җайларда 51 миң 835 болуп, җәмий 13 милйон 642 миң 852 сайаһәтчини күтүвалди.

2018 – йили анталйаға кәлгән сайаһәтчиләрниң сани алдинқи йилниң охшаш мәзгилигә селиштурғанда % 30 ашти. 2019 – йили 16 милйон сайаһәтчиниң келишиниң күтүлүватқанлиқи билдүрүлди. 2019 – йилниң дәсләпки 4 ейи ичидә шәһәргә кәлгән сайаһәтчиләрниң сани бултурниң охшаш мәзгилигә селиштурғанда % 32 ешип, 1 милйон 560 миң 862 гә йәтти.

«‹сабаһ› гезити», «түркийәниң йеңи типтики қорали алка» сәрләвһилик хәвиридә, төвәндики учурларни оқурмәнлириниң диққитигә сунди:

түркийә йеқиндин буйан террорлуқ һуҗумлирида наһайити көп ишлитилидиған партлатқуч қачиланған аптомобиллар вә қол бомбилирини пачақлап ташлаш үчүн дунйада наһайити йеңи болған «алка йирақтин контирол қилинидиған енергийә қорал системиси < YESS > » ни ишләпчиқарди.

түркийәниң ракетамийот вә башқурулидиған бомба саһәсидики ачқучлуқ ширкити ROKETSAN,, «алка йирақтин контирол қилинидиған енергийә қорал системиси < YESS > » ни тунҗи қетим истанбулда өткүзүлгән 14 – нөвәтлик хәлқара дөләт мудапиәси санаити йәрмәнкисидә тонуштурди.

алка синақ көрүнүшлиридә қол бомбиси, бихәтәрликкә зийан салидиған учқучисиз һава аппарати,  оқ - дора тошуйдиған учқучисиз һава аппарати, җасуслуқ қилидиған учқучисиз һава аппарати һуҗумлири қатарлиқ тәһдитләрни бир тәрәп қилишта мувәппәқийәтлик һалда синақтин өтти.

«‹вәтән› гезити», «паспорттин йүз тонуш системиси ишқа кириштүрүлди» сәрләвһилик хәвиридә, төвәндики мәлуматларни оқурмәнлириниң диққитигә сунди:

дунйада көплигән айродурумларда иҗра қилинидиған бармақ изи вә йүз тонуш арқилиқ паспорт контироллуқидин өткили болидиған  бийо пәрқләндүрүш аптоматик өтүш системиси синақ тәриқисидә сабиһа гөкчән хәлқара айродурумида хизмәткә кириштүрүлиду. бу система арқилиқ йолучилар 18 секунт ичидә паспорт контироллуқидин өтәләйду.

«‹һөрийәт› гезити», «даңлиқ режиссор фәрзан өзпәтәк италийәдә арқимуарқа шан – шәрәпкә еришти» сәрләвһилик хәвиридә, төвәндики байанларға орун аҗратти:

даңлиқ режиссор фәрзан өзпәтәк италийәниң лекке вә наполи шәһәрлиридин кейин палермо шәһәрлик һөкүмити тәрипидинму пәхрий пуқралиқ салаһийитигә еришти.  палермо университетиму өзпәтәккә пәхрий доктурлуқ унвани бәрди. өзпәтәк саленто университети тәрипидинму «мәдәнийәт баш әлчиси» салаһйитигә лайиқ көрүлди.  



مۇناسىۋەتلىك خەۋەرلەر