08.05.2019

bügünki türkiye gézitliride asasiy salmaqni igiligen xewerlirimiz töwendikiche:

08.05.2019

türkiye awazi radiyosi: «sabah géziti», türkiye jumhur reisi rejep tayyip erdoghanning bölgünchi térrorluq teshkilati p k k ning türmidiki kattibéshining adwokati bilen körüshkenliki üstide toxtilip: «hel qilish basquchi deydighan bir nerse yoq» dégenlikini xewer qildi.

xewerde, jumhur reislik sariyi uchur-alaqe idarisining bashliqi fahrettin altunmu élan qilghan bayanatida, térrorluq teshkilatining türmidiki kattibéshining adwokati bilen körüshüshining qanuniy tertip boyiche emelge ashqanliqini eskertip: «biz pikir –qarashlirimizda ochuqmiz. térrorluq teshkilati kattibéshining biwaste y p g gha yolyoruq bérishi, türkiyening p k k bilen y p g we s d g otturisida bir-birige baghlinishning barliqi heqqidiki qarishini téximu küchlendüridu» dégenliki bildürüldi.

«xeber türk géziti», énérgiye ministirliqining sherqiy aqdéngizda türkiye dawamlashturuwatqan burghilash paaliyetliri heqqide bayanat élan qilghanliqini xewer qildi.

bayanatta, «türkiyening öz déngiz tewelikide qiliwatqan burghilash paaliyetliri heqqide rayon ichi we sirtidiki aktiyorlar teripidin élan qilinghan bayanatlarning qobul qilinishi mumkin emes» déyilgenliki qeyt qilindi.

bayanatta yene, burghilash paaliyetlirining, türkiyening sherqiy aqdéngizdiki hidro karbon menbelirige munasiwetlik xelqaraliq qanundiki qanuniy heq-hoquqqa tayinidighanliqi bildürüldi.

«star géziti», rusiye «tas agéntliqi» ning diplomatik menbelerni asas qilip, may éyining axirida texminen 100 türkiye eskirige 2019-yili kélishim boyiche tapshurulidighan «S-400» hawa qalqan sistémisini ishlitishni öginishi üchün rusiyediki bir herbiy bazida telim-terbiye bérilidighanliqini we terbiyelinish waqtining besh ay bolidighanliqini xewer qilghanliqini bildürdi.

«yéngi shepeq géziti», konyada su yétishmeslik mesilisini hel qilish meqsitide tetqiqat ishlirini bashlighan üch dostning, méwe-chiwe we köktatchiliqta susiz yéza igilikige imkaniyet yaritidighan «ékoboks» (Ekobox) sistémisini tereqqiy qildurghanliqini xewer qildi.

gézitning xewiride bildürülishiche, derex we köktatlarning 16 litir su bilen yétishishini we yiltizining zémindiki su menbesige yétip bérishini kapaletke ige qilidighan mezkur sistéma, chöl, tashliq we qurghaq jaylardimu köktat we méwe-chiwe yétishtürüshke imkaniyet yaritip béridiken.

xewerde, mezkur mehsulatqa chet döletlerdin köp telep kelgenliki bildürüldi.


خەتكۈچ: star , xeber türk , yéngi shepeq

مۇناسىۋەتلىك خەۋەرلەر