07.05.2019

sabah géziti «jumhur reis rejep tayyip erdoghanning ramizan éyi tebriklendi»serlewhilik xewiride munu uchurlargha orun ajratti: «jumhur reislik mehkimisi teripidin élan qilinghan bayanatta, pelestin dölet reisi mehmud abbas, qatar emiri sheyx temim bin hamed el sani we iraq pirézidénti berhem selih qatarliq dölet erbabliri jumhur reis erdoghanning ramizan éyini tebrikligenliki we ramizan éyining pütkül islam alimi we dunyagha xeyirlik bolushini tiligenliki bildürüldi.»

star géziti «s-400 tipliq mudapie sistémisi türkiyege nisbeten istratégiyelik qedemdur»serlewhilik xewiride munu uchurlarni oqurmenlirining diqqitige teqdim qildi: «mudapie we xewpsizlik mutexessisi yusuf alabarda, türkiyening rusiyedin sétiwalidighan s-400 tipliq mudapie sistémilirining süriyedin aq déngizghiche, ege déngizidin chanakkale we istanbul boghuzighiche bolghan nurghun jayda tesirini körsitidighanliqini eskertti. alabarda yene s-400 tipliq mudapie sistémiliri türtkiside rayonda türkiyege qarshi shekillinidighan xeterler we küchlerning bimalal bir terep qilinidighanliqinimu bildürdi.»

haber türk géziti «nordik döletliridin türkiyege kélidighan sayahetchilerning sani barghanche köpeymekte»serlewhilik xewiride munu uchurlarni oqurmenliri bilen hembehrileshti: «antalya we alanyagha nordik xelqliri seldek aqti, bu yil ichidila shiwétsiyedin antalyagha kelgen sayahetchi sanida %42 , norwégiyedin %87, daniyedin %18 , finlandiyedin %14 éshish körüldi. 2019-yili türkiyege kélidighan sayahetchi sanida körinerlik éshish körülidighanliqi texmin qilinmaqta. »

hürriyet géziti «borning yene bir paydisi bayqaldi»serlewhilik xewiride munu uchurlargha orun ajratti: «afyon kojatepe uniwérsitéti mal doxturluq pakultiti oqutquchisi dosént doktor mustapa kabu bilen dosént doktor rejep kara <terkibide bor bolghan yémek-ichmekler»üstide 5 yil tetqiqat élip bérish netijiside süt, érimchik, qétiq, qaymaq, qiza qatarliq gösh we süt mehsulatlirining saqlinish mudditini %20 uzartip, bor minérallirining insan bedinidiki paydisini ashurushqa muweppeq boldi.»

weten géziti «qeghezchilikte sirtqa béqindliqni azaytidighan qedem»serlewhilik xewiride munu uchurlarni oqurmenliri bilen ortaqlashti: « sanaet we téxnologiye minsitiri mustapa warank, 19 yildin kéyin qaytidin ishqa kirishtürülgen balikesir seka zawutining kona qeghezni qaytidin ishlepchiqirip bazargha salidighanliqini bildürdi. bu zawutqa 140 milyon yawroluq meblegh sélinghanliqini éytqan warank mundaq dédi:zawutimiz ishqa kirishtürülse sirttin qeghez import qilishqa xatime bérimiz we 150 milyon yawro tijep qalimiz.»