07.05.2019

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

07.05.2019

сабаһ гезити «җумһур рәис рәҗәп таййип әрдоғанниң рамизан ейи тәбрикләнди»сәрләвһилик хәвиридә муну учурларға орун аҗратти: «җумһур рәислик мәһкимиси тәрипидин елан қилинған байанатта, пәләстин дөләт рәиси мәһмуд аббас, қатар әмири шәйх тәмим бин һамәд әл сани вә ирақ пирезиденти бәрһәм сәлиһ қатарлиқ дөләт әрбаблири җумһур рәис әрдоғанниң рамизан ейини тәбриклигәнлики вә рамизан ейиниң пүткүл ислам алими вә дунйаға хәйирлик болушини тилигәнлики билдүрүлди.»

стар гезити «с-400 типлиқ мудапиә системиси түркийәгә нисбәтән истратегийәлик қәдәмдур»сәрләвһилик хәвиридә муну учурларни оқурмәнлириниң диққитигә тәқдим қилди: «мудапиә вә хәвпсизлик мутәхәссиси йусуф алабарда, түркийәниң русийәдин сетивалидиған с-400 типлиқ мудапиә системилириниң сүрийәдин ақ деңизғичә, әгә деңизидин чанаккалә вә истанбул боғузиғичә болған нурғун җайда тәсирини көрситидиғанлиқини әскәртти. алабарда йәнә с-400 типлиқ мудапиә системилири түрткисидә районда түркийәгә қарши шәкиллинидиған хәтәрләр вә күчләрниң бималал бир тәрәп қилинидиғанлиқиниму билдүрди.»

һабәр түрк гезити «нордик дөләтлиридин түркийәгә келидиған сайаһәтчиләрниң сани барғанчә көпәймәктә»сәрләвһилик хәвиридә муну учурларни оқурмәнлири билән һәмбәһриләшти: «анталйа вә аланйаға нордик хәлқлири сәлдәк ақти, бу йил ичидила шиветсийәдин анталйаға кәлгән сайаһәтчи санида %42 , норвегийәдин %87, данийәдин %18 , финландийәдин %14 ешиш көрүлди. 2019-йили түркийәгә келидиған сайаһәтчи санида көринәрлик ешиш көрүлидиғанлиқи тәхмин қилинмақта. »

һүррийәт гезити «борниң йәнә бир пайдиси байқалди»сәрләвһилик хәвиридә муну учурларға орун аҗратти: «афйон коҗатәпә университети мал дохтурлуқ пакултити оқутқучиси досент доктор мустапа кабу билән досент доктор рәҗәп кара <тәркибидә бор болған йемәк-ичмәкләр»үстидә 5 йил тәтқиқат елип бериш нәтиҗисидә сүт, еримчик, қетиқ, қаймақ, қиза қатарлиқ гөш вә сүт мәһсулатлириниң сақлиниш муддитини %20 узартип, бор минераллириниң инсан бәдинидики пайдисини ашурушқа мувәппәқ болди.»

вәтән гезити «қәғәзчиликтә сиртқа беқиндлиқни азайтидиған қәдәм»сәрләвһилик хәвиридә муну учурларни оқурмәнлири билән ортақлашти: « санаәт вә технологийә минситири мустапа варанк, 19 йилдин кейин қайтидин ишқа кириштүрүлгән баликәсир сәка завутиниң кона қәғәзни қайтидин ишләпчиқирип базарға салидиғанлиқини билдүрди. бу завутқа 140 милйон йавролуқ мәбләғ селинғанлиқини ейтқан варанк мундақ деди:завутимиз ишқа кириштүрүлсә сирттин қәғәз импорт қилишқа хатимә беримиз вә 150 милйон йавро тиҗәп қалимиз.»


خەتكۈچ: түркийә

مۇناسىۋەتلىك خەۋەرلەر