03.05.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

03.05.2019

star géziti «strod: türkiye istratégiyesi yawropagha ülge  bolushi kérek»serlewhilik xewiride munularni oqurmenliri bilen ortaqlashti: «engliye taymis géziti yazghuchisi filippa strod türkiye-süriye chégrasining nöwettiki weziyiti toghruluq maqale yazdi. türkiyening 3 milyon 500mingdek süriyelik musapirgha sahibxanliq qiliwatqanliqini éytqan strod mundaq dédi: <türkiye istratégiyesi yawropagha ülge bolushi kérek>. süriyediki ichki urushning texminen 400 ming kishining ölümige we milyonlarche kishining yurt-makanliridin ayrilip qélishigha seweb bolghanliqini éytqan strod yene mundaq dédi: 20 milyonluq nopusning yérimi qiyin ehwalda turmaqta.»

yéngi shepeq géziti «yerlik urush ayropilani tunji bolup parizhda  körgezmige qoyulidu»serlewhilik xewiride munu uchurlargha orun ajratti: «türk awiatsiye we alem qatnishi sanaiti idarisi bashliqi temel kotil, yerlik urush ayropilanining tunji bolup  parizh awiatsiye yermenkiside körgezme qilinidighanliqini bildürdi. yerlik urush ayropilan layiheside zor ilgirilesh hasil bolghanliqini éytqan kotil munularni dédi: bu bizning eng büyük layihemiz, bu layihemizni muweppeqiyetlik tügitelisek, u chaghda türkiye bu sahede amérika, rusiye we xitay bilen oxshash sewiyege kélidu.»

hürriyet géziti «yerlik uchquchisiz hawa apparati –anka téléfon oyuni boldi»serlewhilik xewiride munu uchurlarni oqurmenlirining diqqitige teqdim qildi: «türkiye mudapie sanaiti saheside ishlepchiqirilghan nurghun mehsulat körgezme qilinghan 2019-yilliq xelqara yermenkisi xushallinarliq ishlargha sehne boldi. yerlik uchquchisiz hawa apparati bolghan anka-s, köchme oyun pirogrammisigha özgertildi. texminen 7 ayliq xizmet netijiside layihlengen <heriketchan anka>namliq oyun nurghun alahidilikke ige.»

haber türk géziti «sherq yoluchilar poyizi 29-mayda tunji sepirini bashlaydu»serlewhilik xewiride munu uchurlarni oqurmenliri bilen ortaqlashti: «sherq yoluchilar poyizi 120 kishilik bolup, wagonlarning hemmiside kariwatlar bar. bu poyiz enqere-kars musapisini 27 saette tamamlaydu, bilet bahasining pat yéqinda élan qilindighanliqi bildürüldi. bolupmu ijimaiy taratqu heweskarliri, foto-süretchiler we tebietperwerlerning yuqiri bahasigha érishken sherq yoluchilar poyizi, kéyinki yillarda nurghun ademning diqqitini qozghidi. bu poyizning qisqa waqit ichide xelqara seperge chiqish éhtimalining barliqi texmin qilinmaqta.»

sabah géziti «qarangghu öylerde chiraghlar bilen pemidur östürüldi»serlewhilik xewiride munu uchurlargha orun ajratti: «antalyadiki bir türk shirkiti shimaldiki döletlerning yéza-igilikte ishlitishi üchün chiragh sistémisi ishlepchiqardi. peqetla kün nuri chüshmeydighan parnikka orunlashturulidighan chiraq sistémiliri bilen pemidur ishlepchiqirishqa muweppeq bolghan shirket, bu chiragh sistémilirini makédoniye, girétsiye we türkmenistan qatarliq döletlerge éksport qildi, nöwette rusiye bilen kélishim hasil qildi.»


خەتكۈچ: türkiye

مۇناسىۋەتلىك خەۋەرلەر