03.05.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

03.05.2019

стар гезити «строд: түркийә истратегийәси йавропаға үлгә  болуши керәк»сәрләвһилик хәвиридә мунуларни оқурмәнлири билән ортақлашти: «әнглийә таймис гезити йазғучиси филиппа строд түркийә-сүрийә чеграсиниң нөвәттики вәзийити тоғрулуқ мақалә йазди. түркийәниң 3 милйон 500миңдәк сүрийәлик мусапирға саһибханлиқ қиливатқанлиқини ейтқан строд мундақ деди: <түркийә истратегийәси йавропаға үлгә болуши керәк>. сүрийәдики ички урушниң тәхминән 400 миң кишиниң өлүмигә вә милйонларчә кишиниң йурт-маканлиридин айрилип қелишиға сәвәб болғанлиқини ейтқан строд йәнә мундақ деди: 20 милйонлуқ нопусниң йерими қийин әһвалда турмақта.»

йеңи шәпәқ гезити «йәрлик уруш айропилани тунҗи болуп парижда  көргәзмигә қойулиду»сәрләвһилик хәвиридә муну учурларға орун аҗратти: «түрк авиатсийә вә аләм қатниши санаити идариси башлиқи тәмәл котил, йәрлик уруш айропиланиниң тунҗи болуп  париж авиатсийә йәрмәнкисидә көргәзмә қилинидиғанлиқини билдүрди. йәрлик уруш айропилан лайиһәсидә зор илгириләш һасил болғанлиқини ейтқан котил мунуларни деди: бу бизниң әң бүйүк лайиһәмиз, бу лайиһәмизни мувәппәқийәтлик түгитәлисәк, у чағда түркийә бу саһәдә америка, русийә вә хитай билән охшаш сәвийәгә келиду.»

һүррийәт гезити «йәрлик учқучисиз һава аппарати –анка телефон ойуни болди»сәрләвһилик хәвиридә муну учурларни оқурмәнлириниң диққитигә тәқдим қилди: «түркийә мудапиә санаити саһәсидә ишләпчиқирилған нурғун мәһсулат көргәзмә қилинған 2019-йиллиқ хәлқара йәрмәнкиси хушаллинарлиқ ишларға сәһнә болди. йәрлик учқучисиз һава аппарати болған анка-с, көчмә ойун пирограммисиға өзгәртилди. тәхминән 7 айлиқ хизмәт нәтиҗисидә лайиһләнгән <һәрикәтчан анка>намлиқ ойун нурғун алаһидиликкә игә.»

һабәр түрк гезити «шәрқ йолучилар пойизи 29-майда тунҗи сәпирини башлайду»сәрләвһилик хәвиридә муну учурларни оқурмәнлири билән ортақлашти: «шәрқ йолучилар пойизи 120 кишилик болуп, вагонларниң һәммисидә кариватлар бар. бу пойиз әнқәрә-карс мусаписини 27 саәттә тамамлайду, биләт баһасиниң пат йеқинда елан қилиндиғанлиқи билдүрүлди. болупму иҗимаий таратқу һәвәскарлири, фото-сүрәтчиләр вә тәбиәтпәрвәрләрниң йуқири баһасиға еришкән шәрқ йолучилар пойизи, кейинки йилларда нурғун адәмниң диққитини қозғиди. бу пойизниң қисқа вақит ичидә хәлқара сәпәргә чиқиш еһтималиниң барлиқи тәхмин қилинмақта.»

сабаһ гезити «қараңғу өйләрдә чирағлар билән пәмидур өстүрүлди»сәрләвһилик хәвиридә муну учурларға орун аҗратти: «анталйадики бир түрк ширкити шималдики дөләтләрниң йеза-игиликтә ишлитиши үчүн чирағ системиси ишләпчиқарди. пәқәтла күн нури чүшмәйдиған парникка орунлаштурулидиған чирақ системилири билән пәмидур ишләпчиқиришқа мувәппәқ болған ширкәт, бу чирағ системилирини македонийә, гиретсийә вә түркмәнистан қатарлиқ дөләтләргә експорт қилди, нөвәттә русийә билән келишим һасил қилди.»


خەتكۈچ: түркийә

مۇناسىۋەتلىك خەۋەرلەر