تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

02.05.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

02.05.2019

«‹xewer türk› géziti», «amérika qoshma ishtatliri pirézidénti donald trampning türkiyede dölet ishliri ziyaritide bolushi  küntertipte» serlewhilik xewiride, töwendiki melumatlarni oqurmenlirining diqqitige sundi:

jumhur reislik sariyi teripidin élan qilinghan «amérika qoshma ishtatliri pirézidénti donald trampning iyul éyinimu öz ichige alghan muwapit peytte türkiyede dölet ishliri ziyaritide bolushi üchün xizmet ishliniwatidu» témiliq bayanatta, waqit éniq békitilgen teqdirde, bu donald trampning türkiyede hakimiyet béshigha chiqqandin buyanqi tunji ziyariti bolidiken.

«‹star› géziti», «türkiyening süriyening shimalidiki barliq térrorchilarni teltöküs yoqitish iradisi qetiy» serlewhilik xewiride, töwendiki uchurlarni oqurmenlirining diqqitige sundi:

jumhur reislik sariyi bayanatchisi ibrahim qalin amérika qoshma ishtatlirining süriye alahide wekili jeyms jéfréy bilen paytext enqerede bir yerge jem boldi.

türkiyening milliy bixeterlikining nahayiti muhimliqi tekitlengen uchrishishta, «firat deryasi» ning sherqiy qismida we süriye miqyasida térrorizmgha qarshi  küresh, bixeter rayon berpa qilinishi, munbich yol xeritisi dairisidiki pilanning ishqa ashurulushi, daésh, p k k/y p g/p y d ni öz ichige alghan barliq térrorluq teshkilatlirigha qarshi  küresh, idlib kélishimige riaye qilish, süriyening zémin pütünlüki qoghdap qélinghan asasta kirizisning siyasiy yollar arqiliq hel qilinishi we süriyeni qayta qurup chiqish qatarliq mesililer muzakire qilindi.

«‹yéngi shepeq› géziti», «jumhur reis rejep tayyip erdoghan musulman bolghan amérikiliq shaxshichi délla maylsni tebriklidi» serlewhilik xewiride, töwendiki melumatlargha orun ajratti:

jumhur reis rejep tayyip erdoghan ayallar we démokratiye fondi teripidin istanbulda chaqirilghan xizmet yighinigha ishtirak qildi. erdoghan we repiqisi emine erdoghan musulman bolghan we istanbulda ziyarette boluwatqan amérikiliq naxshichi délla maylsni xizmet yighinigha teklip qildi, hemde musulman bolghanliqi üchün uni tebriklidi.

amérikiliq naxshichi mayls jumhur reis rejep tayyip erdoghan we repiqisi emine erdoghan bilen körüshkendin kéyin bu heqtiki tesiratlirini bayana qilip mundaq dédi: «bügün men bir dunya rehbiri bilen tonushush pursitige érishtim, türkiye rehbiri bilen qol éliship körüshüsh we repiqisi emine erdoghan xanim bilen quchaqliship körüshüsh shan – sheripige nail bolghanliqim üchün özümni tolimu bextlik hés qilimen.»

«‹weten› géziti», «antalyagha kelgen sayahetchiler sanida rékort buzup tashlandi» serlewhilik xewiride, töwendiki melumatlarni oqurmenliri bilen ortaqlashti:

bu yil antalyagha kelgen sayahetchiler sani yéqinqi yillardikige sélishturghanda nahayiti yüksek sewiyeage yetti. bolupmu aprél éyida antalyagha kelgen sayahetchiler sanida rékort buzup tashlandi. bu yilning deslepki üch éyi ichide 571 ming 207 sayahetchi ziyaret qilghan sheherge, peqet aprél éyidila 905 ming 322 sayahetchi keldi.

sayahet shirketlirining bildürüshiche, sayahetchilerning antalyagha bolupmu  aprél éyida köp kélishining sewebi, «pasxa bayrimi» iken.

«‹höriyet› géziti», «türkiye hawa yolliri shirkiti yawropa musabiqiside türkiyedin ikki komanda hel qilghuch musabiqige qatnishish salahiyitige érishti» serlewhilik xewiride, töwendiki melumatlarni oqurmenlirining diqqitige sundi:

türkiye hawa yolliri shirkiti yawropa musabiqiside anadolu efes komandisi öz saheside ispaniye komandisi barsélona lassani 71 ge qarshi 80 netje bilen yéngip,  7 – 19  - may künliri ispaniye witoria – gastiéz shehiride ötküzülidighan hel qilghuch musabiqige qatnishish salahiyitige érishti. bu musabiqide türkiyedin fenerbahche béko komandisi bilen anadolu efes komandisi ispaniyening réal madrid we rusiyening CSKA  moskwa komandiliri bilen jengge chüshidu. bu musabiqide ghelibe qilghan komandilar 19 – may yekshenbe küni ötküzülidighan musabiqide chémpiyonluq üchün, yéngilgen komandilar bolsa üchinchilik üchün  küresh qilidu.»



مۇناسىۋەتلىك خەۋەرلەر