30.04.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

30.04.2019

yéngi shepeq géziti « firat deryasining sherqidiki rayonlargha herbiy heriket qozghash teyyarliq xizmetliri tamamlandi»serlewhilik xewiride munu uchurlarni oqurmenliri bilen ortaqlashti: «mudapie ministirliqi bölgünchi térrorluq teshkilati y p g-p k k teripidin süriyede ishghal qilinghan rayonlargha herbiy heriket qozghash mesilisi toghruluq bayanat élan qildi, bayanatta mundaq déyildi: eskerlirimiz teyyarlandi, süriyening shimalida bixeter rayon berpa qilish pilani toghruluq amérika qoshma ishtatliri bilen muzakire ötküzüliwatidu, hazirghiche amérika bu mesilige selbiy pozitsiye bildürmidi.»

sitar géziti « firidmen: türkiyege ehmiyet bermigenler, bu rayonda ish qilalmaydu, dédi»serlewhilik xewiride munu uchurlargha orun ajratti: «gio-siyasiy kélechek namliq orunning qurghuchisi xelqara munasiwetler sitratégiyechisi jorq firidmen, türkiye radiyo-téléwiziye idarisi – t r t ning inglizche tarqitish béridighan <t r t dunya>qanilining ziyaritini qobul qildi. türkiyeni elmistaqtin béri zor tesir küchge ige bolup kéliwatqan dölet ikenlikini  éytqan firidmen mundaq dédi: süriye we bashqa rayonlarda yüz bériwatqan mesililer we ehwallargha nezer salidighan bolsaq, türkiye alliburun meydanini belgilep boldi, buni qilish asan emes. dunya shuni chüshinip yétish kérekki, türkiyege ehmiyet bermigenler yaki türkiyege sel qaraydighanlar bu rayonda ish qilalmaydu.»

hürriyet géziti «milliy turbojet motori muweppeqiyetlik halda sinaq qilindi»serlewhilik xewiride munu uchurlarni oqurmenlirining diqqitige teqdim qildi: «türkiye qattiq tirishchanliq körsitish netijiside ilghar téxnikiliq turbojet motori ishlepchiqirishqa muweppeq boldi. jumhur reislik mehkimisige qarashliq mudapie sanaiti bashqarmisining qollishi arqisida ishlepchiqirilghan türkiyening tunji yerlik < KTJ-3200> tipliq turbojet motori muweppeqiyetlik halda sinaq qilindi. motor urush ayropilanliridin tashlinidighan ottura musapilik bombilarda ishlitilidu, bu motor yawropa döletliri we amérika qoshma ishatlirigha éksport qilinidu.»

watan géziti «xelqarliq awiatsiye shirketliri istanbul ayrodurumi üchün öchretke kirdi»serlewhilik xewiride munu uchurlarni oqurmenliri bilen ortaqlashti: «dunya boyiche eng chong awiatsiye shirketliri qatarliq nurghun chet el awiatsiye shirketliri istanbulgha qatnash üchün alaqidar orunlar bilen muzakire ötküzmekte. yaponiyening < al nippon awiatsiye shirkiti> tokyo shehiridin, xitayning <laki awiatsiye shirkiti>bolsa kunming shehiridin istanbulgha qatnash üchün heriketke ötti. sitanbulgha qatnaydighan yene bir awiatsiye shirkiti bolsa seudi pars awiatsiye shirkitidur. bezi istanbulgha qatnawatqan  chet el awiatsiye shirketliri mewjut liniyedin bashqa nuqtilargha uchush üchünmu heriketke ötti. xitay jenubiy awiatsiye shirkiti, béyjingdin bashqa wuxen shehiridin bu yil iyundin bashlap uchidu. sichuen awiatsiye shirkitining ayropilanliri bügündin bashlap istanbulgha qatnashqa bashlaydu.»



مۇناسىۋەتلىك خەۋەرلەر