29.04.2019

türkiye awazi radiyosi: «<yéngi shepeq> géziti», «sayahetchiliktin 35 milyard dollardin artuq tashqi péréwot kirimi kütülmekte» serlewhilik xewiride, türkiye sayahet agéntliqliri birliki bashliqi firuz baghliqayaning «közlengen 50 milyon sayahetchi sanigha inshaallah yétimiz. bu sahedin 35 milyard dollardin artuq tashqi péréwot kirimi kütülmekte» dégenlikini oqurmenliri bilen ortaqlashti.

gézitning xewiride, baghliqayaning, sayahetchilik sahesining 2018 – yilini rékort yaritish bilen axirlashturghanliqini, 2019 – yilini oxshash süret bilen bashlighanliqini, sayahetchiler sanida deslepki ikki ayda %7.4 lik éshish körülgenlikini bildürgenliki qeyt qilindi.

xewerde körsitilishiche, baghliqaya, qum we quyash sayahetchilikining yilda eng köp 6 – 7 aygha chiqqanliqini tilgha alghan we sözini dawamlashturup, «sehiye we kültür sayahetchilikige oxshash sahelerde bu muddet 10 – 12 aygha chiqidu» dégen.

«<hörriyet> géziti», «ukrainaliq sayahetchiler sanida alahide éshish (körüldi) serlewhilik xewiride, ukrainaning istanbulda turushluq bash konsuli oléksandér gamanning, ukrainadin türkiyege kelgen sayahetchiler sanida izchil éshish körülüwatqanliqini eskertip, «istanbul, ukrainaliq sayahetchilerge nisbeten barghanche ehmiyiti éshiwatqan bir nuqtigha aylandi. bu yil istanbulgha kelgen ukrainaliq sayahetchiler sanini ashidu, dep oylaymen» dégenlikini yazdi.

musteqil ukraina ortodoks chérkawining qurulushi, ayasofya muzéyida yolgha qoyulghan ukrainche awazliq sayahet yétekchisi mulazimitining yolgha qoyulushining ukrainaliq sayahetchilerni jelp qilishta muhim rol oynighanliqigha isharet qilinghan xewerde, mezkur xizmetning dolmabahche sariyi we bashqa muhim orunlarda xizmetke kirishtürülüshining ukrainaliq sayahetchiler sanini yuqiri kötüridighanliqi qeyt qilindi.

«<star> géziti», «türkiyening iraq puqralirigha yolgha qoyghan wiza tüzümi uzun muddetlik emes» serlewhilik xewiride, türkiye jumhuriyiti tashqi ishlar ministiri mewlüt chawushoghluning, türkiye bilen iraq arisidiki wiza tüzümining uzun muddetlik bir tüzüm emeslikini éytqanliqini yazdi.

gézitning xewiride, iraqta dölet ishliri ziyaritide bolghan chawushoghluning, bu dölette ishlar izigha chüshken chaghda wiza tüzümini qaytidin közdin kechüridighanliqlirini eskertip, «waqti kelgende, wiza tüzümini iraqliq qérindashlirimiz üchün qaytidin emeldin qaldurimiz» dégenliki bildürüldi.

«<weten> géziti», «dunyada misli yoq, bibaha» serlewhilik xewiride, tokatliq bir asare – etiqe toplighuchisining eserliri arisidiki zumret közige büyük iskenderning resimi chüshürülgen altun üzükke baha qoyushning mumkin bolmaywatqanliqini yazdi.

xewerde, hélénistik dewrge ait bolushi mumkin, dep qariliwatqan üzükke resimning qandaq chüshürülgenliki toghrisidiki soalning hazirghiche jawabqa érishelmigenliki qeyt qilindi.

gézitning xewiride körsitilishiche, mutexessisler, métali 21.5 karat altun, téshi tebiiy zumret bolghan yadikarliqning, hazirqi téxnologiye bilenmu qilghili bolmaydighan bir xil usulda ikki ming yildinmu burunqi dewrde yasalghan bolushining izahlinishqa mohtaj ikenlikini qeyt qilghan.

«<xabertürk> géziti», «haziriy uchurlishish (türide) yerlik ep (yasaldi)» serlewhilik xewiride, türkiyening télékom opératori türk télékomning, yerlik haziriy uchurlishish epi yasap chiqqanliqini yazdi.

xewerde, türk télékomning tetqiq qilish – tereqqiy qildurush we téxnologiye shirkiti - argéla teripidin yasalghan yerlik shundaqla milliy uchurlishish epi «LAFF» ning sinaq nusxisini android we alma yanfonlirining istémaligha sunghanliqi qeyt qilindi.