25.04.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

25.04.2019

türkiye awazi radiyosi: «‹star› géziti», «jumhur reis erdoghan türkiyege bohtan chaplawatqanlarning hemmisining qanliq tarixiy kechmishi barliqini éytti» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan jumhur reislik sariyi yighin we medeniyet merkizide ötküzülgen ilmiy muhakime yighinida qilghan sözide, ermeni mesilisi we térrorizmgha qarshi  küreshni bahane qilip, türkiyege kishilik hoquq we démokratiye heqqide ders bermekchi boluwatqanlarning hemmisining tarixiy qanliq kechmishi barliqini tekitlidi.

«‹yéngi shepeq› géziti», «fahrettin altun 1915 – yilqi weqelerning siyasiy menpeetler mesilisige aylinip qalmasliqining zörürlükini otturgha qoydi» serlewhilik xewiride, töwendiki bayanlargha orun ajratti:

jumhur reislik sariyi uchur - alaqe ishliri bashqarmisining bashliqi piroféssor doktor fahrettin altun, 1915 – yiliqi weqelerning siyasiy menepeetler mesilisige aylandurup qoyulmastin toghra we heqiqiy  hem ilmiy pakitlargha asasen tetqiq qilinishining zörürlükini, üchinchi döletlerning bu mesilini siyasiy meqsetlik idéologiyelirining kozérigha aylanduruwélishidin waz kéchishining shert ikenlikini qeyt qildi.

«‹sabah› géziti», «4 esker shéhit bolup ketken rayonda herbiy heriket élip bérildi» serlewhilik xewiride, töwendiki uchurlarni oqurmenlirining diqqitige sundi:

haqqarining chuqurja nahiyesige qarashliq qawushaq seriberi herbiy bazisigha oghriliqche hujum qilishqa urunghan bir guruppa p k k/y p g térrorchiliri hawa hujumi arqiliq bir terep qilindi.

dölet xewpsizlik menbelirining bildürüshiche, aldinqi küni bir guruppa p k k/y p g térrorchilirining herbiy bazigha oghriliqche hujum qilishqa orunghanliqi éniqlap chiqilghan, arqidinla hawa armiyesi derhal heriketke ötüp, 19 – aprél küni 4 esker shéhit bolup ketken rayonda bir guruppa térrorchini bir terep qilghan.

«‹höriyet› géziti», «türkiye aptomobil sahesi latin amérikida» serlewhilik xewiride, töwendiki melumatlargha orun ajratti:

türkiye aptomobil sahesi latin amérikidiki eng chong aptomobil zapchasliri we mulazimet yermenkisi « Automec 2019» ge 29 shirket bilen qatnashti.

igilinishiche, «‹ Expo Sao Paulo › yermenkisi» sahesi ötküzülgen yermenkige, 20 din artuq dölettin minggha yéqin shirket qatnashqan bolup, uludagh aptomobil sanaiti éksportchiliri birlikining teshkillishi bilen qatnashqan türkiye aptomobilning sahesi yermenke mesullirining zor qiziqishini qozghimaqta iken.

«‹xewer türk› géziti», «türkiyege kéliwatqan engliyelik sayahetchiler sanining % 40 köpiyishi kütülmekte» serlewhilik xewiride, töwendiki bayanlargha orun ajratti:

türkiyede engliyelik sayahetchiler eng köp tallaydighan jaylarning béshida marmaris klidu. 2019 – yilliq sayahet mewsumida türkiyege kélidighan engliyelik sayahetchiler sanining % 40 köpiyishi kütülmekte.

türkiye sayahet agéntliqliri birliki marmaris shöbisining mesuli suat esin bu heqte élan qilghan bayanatida, mundaq dédi: «bu yil barliq döletlerdin türkiyege kélidighan sayahetchiler sanida közge körünerlik derijide köpiyish kütülmekte, jümlidin türkiyege kélidighan engliyelik sayahetchiler sanining % 40 köpiyishi kütülmekte.»



مۇناسىۋەتلىك خەۋەرلەر