25.04.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

25.04.2019

түркийә авази радийоси: «‹стар› гезити», «җумһур рәис әрдоған түркийәгә боһтан чаплаватқанларниң һәммисиниң қанлиқ тарихий кәчмиши барлиқини ейтти» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәис рәҗәп таййип әрдоған җумһур рәислик сарийи йиғин вә мәдәнийәт мәркизидә өткүзүлгән илмий муһакимә йиғинида қилған сөзидә, әрмәни мәсилиси вә терроризмға қарши  күрәшни баһанә қилип, түркийәгә кишилик һоқуқ вә демократийә һәққидә дәрс бәрмәкчи болуватқанларниң һәммисиниң тарихий қанлиқ кәчмиши барлиқини тәкитлиди.

«‹йеңи шәпәқ› гезити», «фаһрәттин алтун 1915 – йилқи вәқәләрниң сийасий мәнпәәтләр мәсилисигә айлинип қалмаслиқиниң зөрүрлүкини оттурға қойди» сәрләвһилик хәвиридә, төвәндики байанларға орун аҗратти:

җумһур рәислик сарийи учур - алақә ишлири башқармисиниң башлиқи пирофессор доктор фаһрәттин алтун, 1915 – йилиқи вәқәләрниң сийасий мәнәпәәтләр мәсилисигә айландуруп қойулмастин тоғра вә һәқиқий  һәм илмий пакитларға асасән тәтқиқ қилинишиниң зөрүрлүкини, үчинчи дөләтләрниң бу мәсилини сийасий мәқсәтлик идеологийәлириниң козериға айландурувелишидин ваз кечишиниң шәрт икәнликини қәйт қилди.

«‹сабаһ› гезити», «4 әскәр шеһит болуп кәткән районда һәрбий һәрикәт елип берилди» сәрләвһилик хәвиридә, төвәндики учурларни оқурмәнлириниң диққитигә сунди:

һаққариниң чуқурҗа наһийәсигә қарашлиқ қавушақ сәрибәри һәрбий базисиға оғрилиқчә һуҗум қилишқа урунған бир гуруппа п к к/й п г террорчилири һава һуҗуми арқилиқ бир тәрәп қилинди.

дөләт хәвпсизлик мәнбәлириниң билдүрүшичә, алдинқи күни бир гуруппа п к к/й п г террорчилириниң һәрбий базиға оғрилиқчә һуҗум қилишқа орунғанлиқи ениқлап чиқилған, арқидинла һава армийәси дәрһал һәрикәткә өтүп, 19 – апрел күни 4 әскәр шеһит болуп кәткән районда бир гуруппа террорчини бир тәрәп қилған.

«‹һөрийәт› гезити», «түркийә аптомобил саһәси латин америкида» сәрләвһилик хәвиридә, төвәндики мәлуматларға орун аҗратти:

түркийә аптомобил саһәси латин америкидики әң чоң аптомобил запчаслири вә мулазимәт йәрмәнкиси « Automec 2019» гә 29 ширкәт билән қатнашти.

игилинишичә, «‹ Expo Sao Paulo › йәрмәнкиси» саһәси өткүзүлгән йәрмәнкигә, 20 дин артуқ дөләттин миңға йеқин ширкәт қатнашқан болуп, улудағ аптомобил санаити експортчилири бирликиниң тәшкиллиши билән қатнашқан түркийә аптомобилниң саһәси йәрмәнкә мәсуллириниң зор қизиқишини қозғимақта икән.

«‹хәвәр түрк› гезити», «түркийәгә келиватқан әнглийәлик сайаһәтчиләр саниниң % 40 көпийиши күтүлмәктә» сәрләвһилик хәвиридә, төвәндики байанларға орун аҗратти:

түркийәдә әнглийәлик сайаһәтчиләр әң көп таллайдиған җайларниң бешида мармарис клиду. 2019 – йиллиқ сайаһәт мәвсумида түркийәгә келидиған әнглийәлик сайаһәтчиләр саниниң % 40 көпийиши күтүлмәктә.

түркийә сайаһәт агентлиқлири бирлики мармарис шөбисиниң мәсули суат әсин бу һәқтә елан қилған байанатида, мундақ деди: «бу йил барлиқ дөләтләрдин түркийәгә келидиған сайаһәтчиләр санида көзгә көрүнәрлик дәриҗидә көпийиш күтүлмәктә, җүмлидин түркийәгә келидиған әнглийәлик сайаһәтчиләр саниниң % 40 көпийиши күтүлмәктә.»



مۇناسىۋەتلىك خەۋەرلەر