09.04.2019

türkiye awazi radiyosi: «weten géziti», türkiye jumhur reisi rejep tayyip erdoghan bilen rusiye pirézidénti wladimir putinning moskwada 8-qétimliq yuqiri derijilik hemkarliq kéngishi yighinida muhim söz qilghanliqini xewer qildi.

gézitning xewiride, rejep tayyip erdoghanning: «ikki dölet soda omumiy hejimide, nishanimiz 100 milyard dollargha yetmek» dégenliki؛ pirézidént putinning bolsa: «küntertipimizde herbiy-téxnika hemkarliqidin bashqa, < S-400 > sistémilirini türkiyege yetküzüshni axirlashturush mesilisi bar» dégenliki qeyt qilindi.

«xeber türk géziti», türkiyening liwiye paytexti trablusqa hujum qilinishi netijiside otturigha chiqqan weziyettin endishe qiliwatqanliqini bildürüp, tereplerni soghuqqan bolushqa chaqirghanliqini xewer qildi.

türkiye tashqi ishlar ministirliqi élan qilghan yazma bayanatta: «keskin weziyetni tézlikte peseytish we sükütni emelge ashurush üchün soghuqqanliq we éhtiyatchan bolushning hökümran qilinishi shert. b d t bash katipining we b d t liwiye alahide wekilining keskin weziyetni peseytish üchün körsitiwatqan tirishchanliqlirini qollighan türkiye, barliq xelqaraliq jemiyetlerning bu mesilide ortaq pozitsiye we iradisini namayan qilishini muhim dep qaraydu» déyilgenliki qeyt qilindi.

«hörriyet géziti», kapadokyada yilning tunji charikide sayahetchiler sanining ötken yili (2018) ning oxshash mezgilige sélishturulghanda 514.5 éship, 440 ming 686 kishige yetkenlikini xewer qildi.

«star géziti», qatarda ötküzülidighan xelqaraliq qurulush téxnologiyeliri, qurulush matériyalliri, esliheliri we muhit téxnologiyeliri soda yermenkisige, türkiye shirketlirining qatnishidighanliqini xewer qildi.

xewerde, yermenkining 29-apréldin 1-mayghiche ötküzülidighanliqi, türkiyening üch éksport birleshmisi bilen yermenkidin orun alidighanliqi bildürüldi.