05.04.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1177799
05.04.2019

«sitar géziti», «türkiye "F-35" we "S-400" heqqide bayanat élan qildi» serlewhilik xewiride munularni yazdi:

 herbiy menbeler «F-35» tipliq urush ayropilani eslihelirining türkiyege tapshurulushi tonglitip qoyulghanliqigha dair xewerlerge qarita bayanat élan qilip, amérika bilen tapshurush basquchi heqqidiki muzakiriler we maslashturush xizmetlirining dawamlishiwatqanliqini hemde uchquchilarning telim terbiye xizmetliriningmu toxtimay dawamlishiwatqanliqini bildürdi. rusiyedin élinidighan «S-400» bashqurulidighan bomba mudapie sistémisining tapshurulushigha dairmu eslidiki pilanning sirtida héchqandaq özgirish yoqluqini, paaliyetlerning pilanlanghan shekilde dawamlishiwatqanliqini we birer ikkilinishning bolushining mumkin emeslikini qeyt qildi. 

«xeber türk géziti», «aptomobil sanaiti éksportta mart éyining birinchisi boldi» serlewhilik xewiride munu uchurlargha orun ajratti:

mart éyida éksport %0.5 éship, 16 milyard 334 milyon dollargha yetti. bu san mart éyining éksport rékortini buzup tashlidi. aptomobil saheyimiz éksportta mart éyining birinchisi boldi. aptomobil sanaiti saheyimiz aldinqi ay 2 milyard 885 milyon 166 ming dollarliq éksportni ishqa ashurdi.

«sabah géziti», «renggareng karniwal bashlandi» serlewhilik xewiride munularni yazdi:

7- nöwetlik aplisin chéchiki karniwali «aprélda adanada» dégen shoar bilen tünügün bashlandi. féstiwal7 -aprél yekshenbe küni axirilishidighan bolup, 100 din artuq paaliyettin bashqa yene, 6 april shenbe küni eneniwi kiyingen guruppilarning yürüshi ötküzülidu. féstiwalgha yerlik we chet ellik 100 mingdin artuq sayahetchining qatnishishi we bir yérim milyon kishining féstiwalni ziyaret qilishi mölcherlenmekte. sheherge kélidighan sayahetchiler sanining eneniwi kiyingen guruppilarning chong yürüsh paaliyitidin ilgiri yuqiri örleydighanliqi bildürülmekte.

«yéngi shepeq géziti», «enqerede xelqara kino filim féstiwali bashlinidu» serlewhilik xewiride munu uchularni oqurmenlirining diqqitige sundi:

enqerede 30 - nöwetlik xelqara kino filim féstiwali 18 apréldin 28 aprélghiche ötküzülidu. xelqara kino filim situdiyolirining serxil filimliri qatnashturulidighan bu féstiwalda, qisqa filim we höjjetlik filimlermu körsitilgendin bashqa yene, bu yilgha atap mexsus filimler ziyaretchilerning diqqitige sunulidu. 10 kün dawamlishidighan féstiwalda 120 ge yéqin filim, rézhissor we cholpanlar körürmenliri bilen uchrishidu. féstiwalda yene, söhbet pirogrammiliri we alahide paaliyetler ötküzülidu. féstiwal her qaysi yashtiki kinosöyerler üchün heqsiz bolidu.

«hörriyet géziti», «yawropa putbol fédératsiyesi birleshmisi «UEFA» ning pewquladde chémpiyonluq longqisini talishish hel qilghuch musabiqisi 2019 yili 14 awghustta istanbulda ötküzülidu» serlewhilik xewiride munu uchurlargha orun ajratti:

yawropa putbol fédératsiyesi birleshmisi «UEFA» , 2019-yili 14 awghustta istanbulda ötküzülidighan 2019 yilliq pewquladde chémpiyonluq longqisini talishish hel qilghuch musabiqisining teyyarliq xizmetliri dairiside, musabiqigha sahibxanliq qilidighan istanbul wodafon baghchisidiki 4 nöwetlik bahalash yighinini chaqirdi. yawropa putbol fédératsiyesi birleshmisi «UEFA» ning pewquladde chémpiyonluq longqisini talishish hel qilghuch musabiqisini teqip qilidighan axbaratchilar üchün wodafon baghchisining axbaratchilar bölümi kéngeytilidighan boldi. tarqitish béridighan médiyalarning teleplirige binaen tenterbiye zalida qoshumche yer ayrishmu qararlashturuldi. yawropaning her qaysi döletliridin kélidighan médiya organlirining téximu xatirjem xizmet qilalishi üchün hazirqi neq meydandin ulap tarqitish bölümimu kéngeytilidighan boldi. 



مۇناسىۋەتلىك خەۋەرلەر