25.03.2019

türkiye awazi radiyosi: «<weten> géziti», «ministir chawushoghlu: yene silerning yüzünglardin urush yüz béridu (dédi)» serlewhilik xewiride töwendiki uchurlarni oqurmenliri bilen ortaqlashti: (türkiye jumhuriyiti) tashqi ishlar ministiri mewlüt chawushoghlu , yéngi zélandiyede jüme namizi esnasida meydangha kelgen hujum toghrisida toxtilip, «bu telwe we uning arqisidiki islam düshmenliri (jumhur reis) rejep tayyip erdoghangha shalisini chachti. nöwette islam düshmenliki we türk düshmenliki birleshti. buning sewebi, dunyadiki musulmanlarning birla yangraq sadasi bar. u bolsimu türkiyedur» dédi. chawushoghlu, türk we musulman düshmenlikining aldimizdiki mezgillerde ornini katolik, pirotéstant we ortodoks düshmenlikige boshitip bérish éhtimali barliqini éytip, yawropani agahlandurdi. u, «ötmüshtikige oxshash ikkinchi dunya urushidek bir urush yene silerning yüzünglardin chiqidu» dédi.

«<star> géziti», «türkiye malidiki hujumni eyiblidi» serlewhilik xewiride töwendiki uchurlarni oqurmenliri bilen ortaqlashti: türkiye, malining mopti rayonidiki bir yézigha qilinghan hujumni eyiblidi we mali xelqige teziye bildürdi. tashqi ishlar ministirliqining bu heqtiki yazma bayanatida, «malining mopti rayoni bankas bazirigha yéqin bir yézigha qilinghan hujumda köp sanda ademning hayatidin ayrilghanliqi we yarilanghanliqidin qayghurush ichide xewer élindi. bu xainlarche hujumni eyibleymiz, qérindash maliy xelqige we hökümitige teziye bildürimiz, hayatidin ayrilghanlargha allahtin rehmet we yaridarlargha téz shipaliqlar tileymiz» dégen ibarilerge orun bérildi.

«<xabertürk> géziti», «istanbul ayrodurumi yermenkilerge xelqaraning ishtirak qilish nisbitini yuqiri kötüridu» serlewhilik xewiride töwendiki uchurlarni oqurmenliri bilen ortaqlashti: Hannover Fairs Turkey yermenkichilik bash mudiri aléksandr kühnél, istanbul ayrodurumi bilen birlikte türkiyening téximu köp xelqaraliq awiyatsiye qatnishigha sahibxanliq qilidighanliqini eskertip, «yéngi ayrodurum bilen yerlik we xelqaraliq ziyaretchiler yermenkilirimizge téximu köp ishtirak qilidu» dédi.

«<hörriyet> géziti», «dunya, türkiye pemiduridin waz kéchelmeydu» serlewhilik xewiride töwendiki uchurlarni oqurmenliri bilen ortaqlashti: parnik meblegh salghuchiliri we ishlepchiqarghuchiliri birliki bashliqi müslüm yanmaz, pemidurning türkiyening eng muhim yéza – igilik mehsulatliri éksportining aldinqi qataridin orun alidighanliqini, bu nuqtida parnikchiliqning tereqqiyatining muhimliqini tilgha élip ötti. u, bir qatar döletlerning türkiye pemidurigha qiziqiwatqanliqini eskertken halda, «türkiyede 12 milyon tonna etrapida pemidur ishlepchiqirimiz. buning 3 yérim milyon tonnigha yéqini parniktin chiqidu» dégenlerni qeyt qildi. yilmaz yene, ötken yili 53 döletke 292 milyon dollarliq pemidur éksport qilinghanliqini éytti.

«<sabah> géziti», «<mazhar – fuat – özkan> enqerede sehnige chiqidu» serlewhilik xewiride töwendiki uchurlarni oqurmenliri bilen ortaqlashti: medeniyet we sayahet ishliri ministirliqi güzel senetler mudirliqi, türkiyening eng yaxshi senet orkéstralirining biri bolghan jumhur reislik külliyesi simfoniye orkéstrasini epsaniwi naxsha – muzika ansambili «mazhar – fuat – özkan» bilen uchrashturidu. senetsöyerler künlerdin buyan hayajan ichide kütüwatqan katta uchrishish enqere tenterbiye zalida 26 – martta ishqa ashurulidu.