12.03.2019

sitar géziti «kuweyt xelqi dunya lidérliri ichide hemmidin bek jumhur reis rejep tayyip erdoghanni yaxshi köridu»serlewhilik xewiride munu uchurlarni oqurmenlirining diqqitige teqdim qildi: «amérika qoshma ishtatliridiki chüshenche institutliridin biri bolghan washingiton inistituti teripidin kuweyt xelqi üstide élip bérilghan el rayini sinash paaliyitide jumhur reis rejep tayyip erdoghan dunya lidérliri ichide eng yaxshi körülgen lidér saylanghan. kuweyt géziti <elqabas>teripidin xewerleshtürülgen ray sinash paaliyitining netijiliri <kuweytlikler amérika pirézidénti donald tramptin xapa lékin erdoghanni yaxshi köridu>serlewhisi astida élan qilindi. aran%5  kuweytliklerning donald trampni yaqturidighanliqi bildürülgen xewerde, %64 kuweytliklerning erdoghanni yaxshi köridighanliqi qeyt qilindi.»

sabah géziti «türkiyening tarixini namayen qilidighan 6 milyon parche kitab»serlewhilik xewiride munu uchurlargha orun ajratti: «jumhur reis rejep tayyip erdoghan teripidin 6 milyon parche kitab bolidighanliqi bildürülgen türkiye boyiche eng chong hésablinidighan rami qishlasi  kutupxanisini rémont qilish xizmetliri dawamlashmaqta. bu kutupxanigha 10 milyon parche kitab qoyulidighanliqi, kutupxanining hoylisida körgezme we ékskursiye zalliri sélinidighanliqi bildürüldi. kutupxanida oqurmenler we ziyaretchiler üchün yene qehwexanidin dem élish orunlirighiche, sowghat buyumliri dukanliridin eneniwi qol hünerwenchilik buyumliri yasilidighan, tonushturulidighan we sétilidighan makanlarghiche bolup nurghun jay bolidu.»

hürriyet géziti «harmankaya shaqiratmisi tenterbiyege ishtiyaqi barlarni kütmekte»serlewhilik xewiride munu uchurlarni oqurmenliri bilen ortaqlashti: «düzje wilayitining jumayeri nahiyeside tebietsöyerler teripidin bayqalghan we arqidin sayahetchilerge échiwétilgen harmankaya shaqiratmisigha  600 métirliq arghamchilar  orunlashturulidu. texminen ikki yil yilgiri tebietsöyerler teripidin bayqalghan bu shaqiratma, düzje wilayetlik medeniyet we sayahetchilik idarisi teripidin sayahetchilerge échiwétildi. shaqiratma türkiye boyiche eng chong bolghan melen östingige tutushidu. harmankaya shaqiratmisi we etrapida türlük tebiet tenterbiye paaliyetlirini élip barghili bolidu.»

yéng shepeq géziti «zugma we göbeklitepe resimliri perdaz buyumlirigha chüshürülidu»serlewhilik xewiride munu uchurlarni oqurmenliri bilen ortaqlashti: «gazianteptiki zugma qedimiy shehiri we tarixning nöl nuqtisi hésablinidighan shanliurfadiki köbeklitepe resimliri, gaziantep inistitutida perdaz buyumlirigha chüshürülmekte.  mezkur inistitutning qarimiqidiki zegerchilik dukinida zugma  resimliri we göbeklitepediki qiyalarning üstidiki resimlerdin ilham élinip yasalghan zibbu-zinnetler ayallarning barmaqlirini, boyunlirini we qulaqlirini bézeydu. zibbu-zinnet dukanlirida yene bolubka, üzük, halqa qatarliq qimmetlik buyumlarmu bar, buningdin bashqa bu dukanlarda kéyinche öylerde ishlitilidighan perdaz buyumlirimu sétilidu.»

haber türk géziti «qabil yashlar sehnilerdin orun almaqta»serlewhilik xewiride munu uchurlargha orun ajratti: «xelqara qabil yashlar muzika musabiqisigha qiziwatqanlarning sani barghanche köpeymekte, özini muzika bilen ipadiliyeleydighan, muzika qabilyiti bolghan yaki mexsus terbiyege éhtiyajliq yashlar bu musabiqige heqsiz qatnishalaydu. perqliq öginish éhtiyajliri bolghan qabil yashlar <hemmimiz muzikantmiz>dégen shoar astida qabliyetlirini jari qildurp, muzika saheside yéngiliq yaritilishigha töhpe qoshidu. axirqi iltimas qilish waqti 2019-yili 31-mart küni bolghan 4-nöwetlik xelqara qabil yashlar muzika musabiqisida netijige érishküchilerge 14-aprélda ötküzülidighan mukapat tarqitip murasimida mukapat tarqitip bérilidu.»