05.02.2019

watan géziti: «süriyelik fida: türklerni körgen chéghimda bu dunyaning yenila yaxshi turuwatqanliqini hés qilimen,dédi»serlewhilik xewiride munu uchurlarni oqurmenlirining diqqitige teqdim qildi: «süriyede beshshar esad hakimiyitining hujumlirida dadisi, qérindashliri we putidin ayrip qalghan bolsimu chégradiki musapirlar lagérida xalisane oqutqichiliq qiliwatqan fida hesen, türkiyediki ammiwi teshkilatlarning yardimi bilen normal mangalaydighan boldi. t r t höjjetlik filim qanili teripidin 2- féwralda hayat sergüzeshtisi keng körürmenler bilen yüz körüshtürlgen fida mundaq dédi: türk milliti tolimu illiq chiray we ésil mijezlik iken. kochida birersi méni körüp qalsa derhal qéshimgha kélip manga yardem qilatti, u waqtida men chaqliq orunduq bilen kochigha chiqattim, türklerni körgen chéghimda bu dunyaning yenila yaxshi turuwatqanliqini hés qilimen, türklerdin ömürwayet minnetdarmen.»

sabah géziti: «türkiye dunya boyiche mudapie sanaitide aldinqi 10dölettin biri»serlewhilik xewiride munu uchurlargha orun ajratti: «pirézidétnliq sariyigha qarashliq mudapie sanaiti bashqarmisining muawin bashliqi serdar demirel: türk mudapie sanaiti 15 yildin buyan zor tereqqiyatlargha ériship dunya boyiche mudapie sanaitide aldinqi 10ning ichige kirdi, dédi. türkiyening tankilarni bashqilarning  yardimige tayanmay turup öz aldigha ishlepchiqarghanliqini éytqan demirel sözini dawamlashturup mundaq dédi: türkiye öz aldigha herbiy telim-terbiye ayropilanliri ishlepchiqardi, gökbey namliq tikucharimiz nöwette sinaq uchushi élip bériwatidu.»

sitar géziti: «dunya boyiche eng küchlük bankilar qatarida türk bankilirimu bar»serlewhilik xewiride munu uchurlarni oqurmenlirining diqqitige teqdim qildi: «yéza-igilik bankisi dunya boyiche eng nopuzluq marka bahalash shirkiti bolghan <pul-muamile markiliri>( Brand Finance)shirkitining 500 chong bankisi tizimlikidin, 2017-2018-yilliri ariliqida marka qimmitini izchil ashurup kelgen banka salahiyitide orun aldi. xezine we maliye ministiri berat albayrak twittér adrésida bu heqte uchur yézip, türkiye boyiche bazar qimmiti eng yuqiri bolghan yéza-igilik bankisini tebriklidi.»

yéngi shepeq géziti: «türk hawa yolliri<awiatsiye>shirkitining yéngi élan filimi <ésil qedeh >namliq musabiqide körürmenliri bilen yüz körüshti»serlewhilik xewiride munu uchurlarni oqurmenliri bilen ortaqlashti: «türk hawa yolliri shirkitining dunyagha meshhur engliyelik rézhissor we filim ishligüchi ridléy sikotqa mexsus qildurghan <seper>namliq qisqa filim, dunya boyiche eng köp körülidighan < ésil qedeh>namliq amérika putbol hel qilghuch musabiqiside qoyuldi. mezkur élan filimi jughrapiyelik orni we medeniyet jughlanmisi jehette dunyada tengdéshi bolmighan istanbuldiki chiraghan sariyi, sherifiye sariyi, ortaköy meydani we istanbul ayrodurumigha oxshash istanbulning tipik simwollirini nahayiti jelp qilarliq we özgiche teriqide teswirlep chiqidu.»

hürriyet géziti: «gaziantepte sayahetchiler üchün yéngi orunlar berpa qilindi»serlewhilik xewiride munu uchurlargha orun ajratti: «muzéyliri  we taamliri bilen yerlik we chet ellik sayahetchilerning diqqitini jelp qilip kéliwatqan gaziantep, tonlarche éghirliqtiki qiya tashlardin shekillengen we mis qorallar dewridin qalghan mazarliqlarni sayahetchilerge échiwetti. yawuzeli-araban tashyoli üstidiki yüzleche yilliq mazarliqlar qaytidin rémont qilinghandin kéyin, mis qorallar dewridin qalghan bu qedimiy mazarliqlar rayongha kelgen sayahetchiler eng köp ziyaret qilidighan makangha aylandi. bu mazarliqlarning miladidin burunqi 3000- bilen 2000-yillar ariliqta shekillengenliki texmin qilinmaqta.»