18.01.2019

türkiye awazi radiyosi: «weten géziti», «amérika bilen yéngi mezgilde erkin soda kélishimi nishani» serlewhilik xewiride, munularni yazdi:

tashqi iqtisadiy munasiwet kéngishi «DEİK» bashliqi mehmet eli yalchindagh jumhur reis rejep tayyip erdoghan bilen amérika pirézidénti donald trampning qisqighine mezgil ilgiri ötküzgen téléfon söhbitide, ikki dölet otturisidiki iqtisadiy munasiwetlerning téximu yuqiri sewiyege kötürülüshi tekitlengenlikidin memnun bolghanliqini bildürüp: «20 milyard dollar etrapidiki soda omumiy sommimiz intayin töwen. oyunning usullirini özgertishimiz lazim. buning yoli erkin soda kélishimidin ötidu» dédi.

«yéngi shepeq géziti», «bixeter rayon tesis qilish pikri süriyeliklerni ümidlendürdi» serlewhilik xewiride, munu uchurlargha orun ajratti:

süriyede firat deryasining sherqide qurulushi pilanlanghan bixeter rayon, öz dölitidin köchüshke mejbur bolghan milyonlarche süriye puqralirini qaytidin ümidlendürdi. wetinige qaytishni arzu qilidighan süriyelikler bu jehette baldurraq qedem tashlinishini telep qilmaqta we 4 milyon kishining wetinige qaytishining yoli échilidighanliqi bildürülmekte.

«sitar géziti», «türkiye yéza igiliki dölet kirimi jehette yawropa boyiche birinchi» serlewhilik xewiride, munularni hembehirleshti:

türkiye soda-sanaet oyushmiliri we paychék baziri birleshmisi «TOBB» ning bashliqi rifat hisarjiklioghlu türkiyening yiza igiliki we charwichiliq saheside ajayip yoshurun küchke ige ikenlikini bildürüp: «yiza igilki dölet kirimi jehette yawropa boyiche 1- we dunya boyiche 8 – orunda turmaqtimiz. türkiyening etrapida texminen 2 milyard nopus bar. bu nopus texminen 500 milyard dollarliq yéza igiliki we charwichiliq mehsulatlirini import qilidu. etrapimizda intayin katta bir bazar bar» dédi.

«sabah géziti», «sakarya, kojaeli we bursada ishlepchiqirilghan aptomobillarning%85i éksport qilindi» serlewhilik xewiride, munu uchurlargha orun ajratti:

 türkiyening aptomobil éksport sodisida aldinqi qatarda turidighan wilayetliridin sakarya, kojaeli we bursada aldinqi yili saitige 177 aptomobil ishlepchiqirildi. bulardin 150 aptomobil chet ellerge éksport qilindi. türkiye aptomobil sahesi aldinqi yili jemiy 1 milyon 587 ming 836 aptomobil ishlepchiqardi. dölet miqyasidiki aptomobil ishlepchiqirishining %97.8 ge teng kélidighan 1 milyon 552 ming 606 aptomobil, aldinqi yili sakarya, kojaeli we bursadiki aptomobil zawutlirida ishlepchiqirildi. bu 3 wilayette ishlepchiqirilghan 1 milyon 552 ming 606 aptomobilning %84.5 i bolghan 1 milyon 312 ming 365 aptomobil chet ellerge éksport qilindi.

«xebertürk géziti», «qatar dunya longqisi üchün türkiyege heyet ewetidu» serlewhilik xewiride, munularni oqurmenlirning diqqitige sundi:

qatar bash ministiri we ichki ishlar ministiri sheyx abdullah bin nasir bin xelife elsani türkiye ichki ishlar ministiri süleyman soylu bilen körüshti. xelife elsanining ministir süleyman soylu bilen ötküzgen uchrishishida, 2022 – yili qatarda ötküzülidighan dunya longqisini talishish musabiqilirining bixeterlik tedbirliri mesilisi muzakire qilindi. qatar dunya longqisi musabiqiliri üchün 31 – yanwarda türkiyege bir heyet ewetidu. heyet birleshme musabiqiliride yolgha qoyulidighan bixeterlik tedbirlirini közdin köchüridu.