08.01.2019

йеңи шәпәқ гезити «айдин вилайитидин дунйада аз көрүлидиған бир елемент тепилди»сәрләвһилик хәвиридә муну учурларни оқурмәнлириниң диққитигә тәқдим қилди: «айдин вилайитиниң дидим наһийәсидә руми чатиккаш исимлик бир киши бултур сентәбирдә 5 көк теши тепивалғанлиқини,бу ташларниң бирсиниң үстидә һайван вә инсан рәсимлири барлиқини ейтти. чатиккаш бу ташларни каһраманмараш сүтчи имам университетиниң тәкшүрүп чиқишиға өткүзүп бәрди, тәкшүрүш нәтиҗисидә ташларниң ичидики 26 елменеттин 6синиң дунйада болмиған елементлар икәнлики ениқлап чиқилди, бу ташларниң бириниң алаһидә икәнликини ейтқан руми чатиккаш: бу ташларни рәсимгә тарттим, рәсимләрни чоңайтқан чеғимда ташларниң үстидә инсан вә һайван рәсимлириниң барлиқини байқидим, деди. »

сабаһ гезити «2019-йили експорт тәхминлири ашти  » сәрләвһилик хәвиридә муну учурларни оқурмәнлири билән ортақлашти: «иқтисад министирлиқи түркийәдики ташқи сода ширкәтлириниң пиланлирини бекитиш үчүн ташқи сода пилани тоғрисида рай синаш елип барди, билдүрүшичә, 2018-йилниң төтинчи чарикидә 111.6 болған експорт индекси 2019-йилниң дәсләпки чарикидә 5.4 номур ешип 117гә йәткән вә  йилда оттуричә %4.5 ашқан, 2018-йилниң төтинчи чарикидә 100.1 болған импорт индекси 2019-йилниң дәсләпки чаридә %5.4 азийип %94.7қа төвәнлигән, йилда оттуричә %20.3 азайған. »

һабәр түрк гезити «полат-төмүр експорти ашти»сәрләвһилик хәвиридә муну учурларға орун аҗратти: «түркийәниң хам полат-төмүр ишләпчиқириши 2018-йилниң йанвар вә  нойабир айлирида бултурқиниң охшаш мәзгилигә селиштурғанда %0.5 ешип 34 милйон 400 миң тоннаға йәтти, бу мәзгилдә полат-төмүр експорти миқдар җәһәттин %19.2 ешип 19 милйон 900 миң тонна йәткән болса, иқтисади кирим җәһәттә %33 ешип 16 милйард долларға өрлиди.»

ситар гезити «түркийәниң деңиз сайаһәтчилики германийәдә тонуштурулиду»сәрләвһилик хәвиридә муну учурларни оқурмәнлири билән ортақлашти: «түркийәниң деңиз сайаһәтчилики германийәдә тонуштурулиду, германийәниң дусселдорф шәһиридә бу йил 19-йанвардин 27-йанварғичә 90 дөләттин 2000 ширкәт вә 250 миң зийарәтчини күтүвалидиған йавропаниң әң чоң деңизчилиқ йәрмәнкисигә түркийәму қатнишиду. йәрмәнкидики су тәнтәрбийә түрлири, кичик порт вә ғәввас бөлүмханлирида түркийәму орун алиду, германийәдә түркийәниң деңиз сайаһәтчиликини тонуштуруштики мәқсәтниң бир нәччә йил ичидә сайаһәтчи санини бир нәччә йил ичидә 2 милйон, арқидин 5 милйонға йәткүзүш икәнлики билдүрүлди.»

һүррийәт гезити «түркийәниң тәбиий су җанлиқлири макани: гөкпинар көли»сәрләвһилик хәвиридә муну учурларға орун аҗратти: «сивасниң гүрүн наһийәсидики сайаһәт орунлиридин болған гөкпинар көлиниң мәнзириси һәр қар йағқанда башқичә чирайлиқ болуп кетиду, шәһәр мәркизигә 147 километир йирақлиқтики гөкпинар көли һәр йили нурғун сайаһәтчини күтүвалиду, сүзүк сулири вә мәнзириси билән сайаһәтчиләрни өзигә мәһлийа қиливалған гөкпинар көли, тәбиәт фот-сүрәтчилириниңму әң көп сайаһәт қилидиған маканлардин бири һесаблиниду. чоңқурлиқи 18 метир болған гөкпинар көлидә ғәвваслар давамлиқ паалийәт қилип туриду, сүйиниң рәңги көк болған гөкпинар көли баһар вә йаз айлиридә нурғун йәрлик сайаһәтчини күтүвалиду. »