03.12.2018
bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «<weten> géziti», «jumhur reis erdoghangha dölet médaliyoni bérildi» serlewhilik xewiride töwendiki uchurlarni oqurmenliri bilen ortaqlashti: dölet ishliri ziyariti munasiwiti bilen paragwaygha barghan jumhur reis rejep tayyip erdoghan, paytext asunsiyondiki tarixiy hökümet binasi – lopézda pirézidént mario abdo bénitéz bilen ayrim uchrishish ötküzdi. paragway pirézidénti bénitéz uchrishishtin kéyin jumhur reis erdoghangha dölet médali teqdim qildi.
«<star> géziti», «éksport noyabir éyida tarixiy rékort yaratti» serlewhilik xewiride töwendiki uchurlarni oqurmenliri bilen ortaqlashti: noyabir éyida qilinghan 15 yérim milyard dollarliq éksport «ayliq ölchem» boyiche rékort yaratti. éksport hazirghiche körülgen «eng yuqiri noyabir éyi» siziqidin halqidi, yéqinqi 12 ayda qilinghan éksport bolsa, %7.8 éship, 168 milyard 100 milyon dollargha yetti.
«<sabah> géziti», «herbiy éléktiron sanaiti shirkiti chöldin <zeper> chiqardi» serlewhilik xewiride töwendiki uchurlarni oqurmenliri bilen ortaqlashti: aselsan (herbiy éléktiron sanaiti shirkiti) teripidin yasap chiqilghan eng yéngi qoral sistémilirining biri bolghan sarp – zeper, qatarda tunji qétim sinaqtin ötküzüldi. sarp – zeper qatardiki herbiy dairiler teripidin bir qatar sinaqlardin ötküzüldi. sarp – zeper, 4x4 jeng bironéwiki bilen birlikte chöl muhitidiki oq chiqirishni öz ichige alghan neq meydan sinaqlirini ghelibilik axirlashturdi.
«<xabertürk> géziti», «yawropaning chéchiki antalyadin» serlewhilik xewiride töwendiki uchurlarni oqurmenliri bilen ortaqlashti: türkiyening kesme chéchek ishlepchiqirish bazisi bolghan antalyadin rozhdéstwo we yéngi yil paaliyetliri üchün yawropa döletlirige chéchek yollash bashlandi. rozhdéstwo we yéngi yil paaliyetliri sewebidin heriketlinishke bashlighan sahe, kesme chécheklerni gollandiye, engliye we özbékistan qatarliq dunyaning 65 dölitige éksport qilidu. 60 – 65 milyon dane chéchek éksportidin 8 – 10 milyon dollar arisida kirim qilinishi kütülmekte.
«<hörriyet> géziti», «palandökende meshellik bashlinish» serlewhilik xewiride töwendiki uchurlarni oqurmenliri bilen ortaqlashti: dunyaning aldinqi qatardiki qish sayahiti merkezlirining biri bolghan erzurumdiki palandöken téghi, bu yilmu mewsumini aydinglitilghan yolliridiki meshellik chana téyilish nomurliri bilen bashlidi. yawropaning eng uzun chana téyilish yoligha ige ikenliki eskertiliwatqan palandöken chana téyilish merkizige bu yil 1 milyon sayahetchining kélishi kütülmekte.
