تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

15.10.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

15.10.2018

türkiye awazi radiyosi: «<sabah> géziti», «türkiye büyük millet mejlisi bashliqi binali yildirim shiwéytsariyede türkler bilen uchrashti» serlewhilik xewiride töwendiki uchurlarni oqurmenliri bilen ortaqlashti: türkiye büyük millet mejlisi bashliqi binali yildirim we hemrahliqidiki parlamént heyiti, shiwéytsariyening lozan shehiride ziyarette bolup uchrishishlarni ötküzdi. yildirim, türk topluqi bilen körüshkende qilghan sözide, birlik we barawerlik toghrisida toxtaldi.

«<weten> géziti», «aselsan qibrisqa meblegh salidu» serlewhilik xewiride töwendiki uchurlarni oqurmenliri bilen ortaqlashti:  aselsan (herbiy éléktiron sanaiti shirkiti) shimaliy qibris türk jumhuriyitige téxnologiye meblighi salidu. türkiyening mudapie sanaitidiki bayraqdar shirkiti aselsan, mushu yilning axirighiche shimaliy qibris türk jumhuriyitide téxnologiye merkizi achidu. échilidighan merkezde shimaliy qibris türk jumhuriyitidiki oqughuchilarning hemkarliship ishliyeleydighanliqini eskertken aselsan muawin bash mudiri mehmer chelik, «kichik weten bilen birlikte dunyada ilghar téxnologiye ishlepchiqiridighan döletler qatarigha kirishini nishan qilmaqtimiz» dédi.

«<yéngi shepeq> géziti», «hindonéziyelik apetke uchrighuchilar türk chédirlirida kün ötküzidu» serlewhilik xewiride töwendiki uchurlarni oqurmenliri bilen ortaqlashti: hindonéziyediki apette öy – makanliridin ayrilip qalghuchilarning turalghu éhtiyajlirini qamdash üchün türkiyede élip bérilghan 250 chédir, éhtiyajliq rayonlargha tikildi. türk qizil ay jemiyitining hindonéziye etriti bashliqi ali aqgül yene, yük ayropilanliri bilen türkiyedin élip bérilghan ming dane uyqu tulumi bilen apetke uchrighuchilarning éhtiyajlirining qamdilidighanliqini, arqidin ozuq – tülük we taziliq eshyalirining tarqitip bérilidighanliqini éytti.

«<hörriyet> géziti», «londonning eng yaxshi réstoranliri mueyyenleshti! türk réstoranlirimu orun aldi» serlewhilik xewiride töwendiki uchurlarni oqurmenliri bilen ortaqlashti: dunyaning eng nopuzluq iqtisad zhurnallirining biri hésablinidighan forbés, engliyening paytexti londonda 2018 – yili échilghan eng yaxshi réstoranlar tizimlikini élan qildi. maqalide orun alghan eng yaxshi 5 réstoranining qatarigha türk réstoran «ruya (chüsh)» mu kirdi. anadolu taamlirini dunyagha tonutush meqsitide échilghan réstoranda eng ésil taamlar teyyarlinidu.

«<star> géziti», «54 – nöwetlik jumhur reislik sariyi türkiye wélisipit musabiqisining chémpiyoni édward pradés boldi» serlewhilik xewiride töwendiki uchurlarni oqurmenliri bilen ortaqlashti: 54 – nöwetlik jumhur reislik sariyi türkiye wélisipit musabiqisi (TUR 2018) de Euskadi Basque Country –Murias komandisidin ispaniyelik mahir édward pradés réwértér üstünlükni igilidi. musabiqide, astana pro komandisidin qazaqistanliq mahir alékséy lutsénko ikkinchi, katusha alpésin komandisidin awstraliyelik mahir natan xaas üchinchilikke érishti.


خەتكۈچ: türkiye , metbuat , gézit , uyghurche

مۇناسىۋەتلىك خەۋەرلەر