15.08.2018

hürriyet géziti «jumhur reis rejep tayyip erdoghan: amérikining éléktronluq mehsulatlirini bayqut qilimiz, dédi»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan türkiyening amérikining éléktronluq mehsulatlirini bayqut qilidighanliqini éytti. erdoghan siyaset, iqtisad we jemiyet tetqiqatliri weqpisi teripidin enqere soda uyushmisi binasiida chaqirilghan <hökümetning 16 yilliqi we adalet we tereqiyat partiyesi > namliq ilmiy muhakime yighinida amérikining émbargo qararlirigha qarshi tégishlik tedbirlerni alghanliqlirini eskertti.»

haber türk géziti «binali yildirim: türkiye bu kirizstin saq-salamet qutulup chiqidu, dédi»serlewhilik xewiride munu uchurlargha orun ajratti: «dunyaning her qaysi jayliridiki türkiye elchiliri bilen körüshken türkiye büyük millet mejlisi bashliqi binali yildirim mundaq dédi: türkiye siyasiy meqsetlerni közlep élip bérilghan iqtisadiy siyasetlerge taqabil turalaydu, türkiye bu kirizstin saq-salamet qutulup chiqidu. tashqi piruwuttiki dawalghushlar türkiyening heqqiy iqtisadiy ehwalini eks ettürüp bérelmeydu, bu özgirishlerning tégide iqtisad emes siyaset yatidu.»

watan géziti «ministir albayrak chet ellik karxanchilar bilen körüshidu»serlewhilik xewiride munu uchurlarni oqurmenliri bilen ortaqlashti: «xezine we maliye ishliri ministiri barat albayrak ete chet el karxanichiliri bilen téléfon yighini ötküzidu. albayrak chet el karxanichilirigha xitab qilidu. bu qétimqi yighingha amérika, yawropa we ottura sherqtiki chong karxanichilar bolup dunya miqiyasidin 750din 1000ghiche kishining ishitrak qilishi mölcherlenmekte.»

sabah géziti «türk hawa yolliri shirkiti amérika shirketlirige élan bermeydighanliqini uqturdi»serlewhilik  xewiride munu uchurlargha orun ajratti: «türkiyediki eng chong shirketler amérikigha qaritilghan élan émbargosi seperwerlik paaliyitige yéqindin awaz qoshmaqta. türk télégraf shirkitidin kéyin türk hawa yolliri shirkitimu bu paaliyetke awaz qoshti. türk hawa yolliri shirkiti amérika shirketlirige élan bermeydighanliqini uqturdi. türk hawa yolliri shirkiti médiya ishxanisi bashliqi yehya üstün, ijtimaiy taratqudiki adérisida tarqatqan uchurida mundaq dédi: shirkitimiz dölitimiz we millitimiz bilen bir septe turidu. alaqidar orunlar bu mesilide qandaq qilidighanliqimiz toghrisida yolyuruq chüshürdi.»

sitar géziti «wanda urartuluqlarning izi bayqaldi»serlewhilik xewiride munu uchurlargha orun ajratti: «qedimiy wan qelesi etrapida istanbul uniwérsitéti edebiyat pakultiti wan rayoni tarix we arxiologiye tetqiqat merkizi bashliqi dosént doktor erkan konyar bashchiliqida élip bérilghan qézilma xizmetliride urartuluqlarning izi bayqaldi. konyar 26santmétir uzunluqta we 36 nomurluq ikenliki éniqlanghan ayaq izining tépilghan jaydin késip élinip tejribixanida tekshürülgendin kéyin muzéygha tapshurup bérilidighanliqigha éytti.»