تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

23.08.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

23.08.2018

türkiye awazi radiyosi: «<sabah> géziti», «albayraq <tarixiy bir yighin boldi> (dédi)» serlewhilik xewiride, xezine we maliye ishliri ministiri berat albayraqning argéntinada chaqirilghan 20 dölet guruhi yighinining nahayiti ünümlük ötkenlikini eskertip, «bizge nisbeten, heqiqeten dunyawi soda nahayiti qiyin sinaqlardin ötüwatqan shundaqla türkiyege nisbetenmu yéngi bir dewrning bashlanghuchi hésablinidighan bir peytte ötküzülgen, qoyuq iqtisad diplomatiyesini öz ichige alghan tarixiy we achquchluq bir yighin boldi» dégenlikini yazdi.

«<weten> géziti», «türkiyeni F-35 bilen jazalimanglar» serlewhilik xewiride, amérika mudapie ministiri jéyms mattisning, amérika dölet mejlisini <türkiyening rusiyedin bashqurulidighan bomba mudapie sistémisini sétiwélish pilani yüzisidin F-35 urush ayropilanlirining yasilish we éksport qilish pilanidin chiqiriwétish arqiliq jazalanmasliqi kéreklikini éytip agahlandurghanliqigha dair uchurlarni oqurmenliri bilen ortaqlashti.

«<star> géziti», «ottura we uzun muddetlik <milliy téxnologiye> siyasetliri teyyarlinidu» serlewhilik xewiride töwendiki uchurlarni oqurmenliri bilen ortaqlashti: mudapie sanaiti bilen xushalliq élip kelgen téxnologiyelik özgirish, <milliy téxnologiye> bilen ottura we uzun muddetlik siyasetlerge aylinidu. türkiyening aldimizdiki mezgildiki nishani, ilghar téxnologiye arqiliq dunyawi we süpetlik markilarni royapqa chiqirip, süniy eqilde bashlamchi, eqliy iqtidarliq téxnologiyelerde bayraqdar, bilim otturigha qoyushta merkez dölet bolushtur.

«<yéngi shepeq> géziti», «gérmaniye sayahetchilerning türkiyege bolghan qiziqishi kücheydi» serlewhilik xewiride, gérmaniye sayahet shirketliri birliki bashliqi norbért fiébigning «franfurtér algéméiné» gézitigha melumat bérip, gérmaniye sayahet shirketlirining bu yilliq soda weziyitining yaxshi kétiwatqanliqigha isharet qilip, bolupmu türkiye, girétsiye aralliri, bulghariye we misirgha orun ayritquchilarning köpeygenlikini éytqanliqini yazdi. xewerde, fiébigning, gérman sayahetchilerning türkiyege bolghan qiziqishining kücheygenlikini éytqanliqi qeyt qilindi.

«<hörriyet> géziti», «milliy oqyachi mete gazoz altun médalgha érishti» serlewhilik xewiride, gérmaniyening paytexti bérlinda ötküzülgen dunya oqyachiliq longqisini talishish musabiqisining 4 – basquchluq erler kilassik oqyalar musabiqiliride milliy tenheriketchi mete gazozning altun médalgha érishkenlikini xewer qildi.


خەتكۈچ: türkiye , metbuat , gézit , uyghur

مۇناسىۋەتلىك خەۋەرلەر