ersin tatar jenubiy qibris rum terep hakimiyitini agahlandurdi
shimaliy qibris türk jumhuriyiti pirézidénti ersin tatar, jenubiy qibris rum terep hakimiyitining rehbiri nikos xristodulidisning nato ezaliqi toghruluq qilghan sözlirige qattiq naraziliq bildürdi.
ersin tatar xristodulidisning jenubiy qibrista yoqutup qoyghan xelq qollishini qayta qolgha keltürüsh üchün yéngi küntertip yaritish xiyalida boluwatqanliqini bildürdi we xristodulidisni öz xelqini aldashtin waz kéchishke shundaqla meydandiki heqiqiy ehwalni qobul qilishqa chaqirdi.
tatar yene, rum terepning yawropa ittipaqigha kirish jeryanidiki shertlerge perwa qilmaywatqanliqini we natogha ezaliq jeryanining buningdin téximu perqliq ikenlikini bildürdi.
xristodulidisningnato toghrisidiki telwilerche sözlirini tenqidlep, türkiyening bundaq öz béshimchi siyasiy qararlargha yol qoymaydighanliqini eskertti.
ersin tatar: «xristodulidisning sözlirining meqsiti natodiki eng muhim dölet bolghan türkiyege qarshi heriket qilish, shundaqla rum terep milliy mudapie armiyesini türkiyege qarshi chékindürtgüch küchke aylandurush xam xiyalidin ibarettur, emma türkiye qoralliq qisimliri 1974-yili 20-iyulda qibrisqa tinchliq élip keldi. eshu xoshallinarliq kündin buyan rum terepning eneniwiy iddiyesige qarimastin, qehriman türkiye qisimliri mewjudluqi we chékindürgüch küchi bilen tinch we xatirjem muhitning dawamlishini ishqa ashurup kelmekte» dédi.
