ئەلىيېۋ ترامپ بىلەن تېلېفونلاشتى

دونالد ترامپنىڭ سايلام غەلىبىسنى تەبرىكلىگەن ئەزەربەيجان پىرېزىدېنتى ئىلھام ئەلىيېۋ، يېڭى پىرېزىدېنتنىڭ پائالىيەتلىرىنىڭ دۇنيانىڭ بىخەتەرلىكىنىڭ كاپالەتكە ئىگە قىلىنىشىدا تېخىمۇ مۇھىم رول ئوينايدىغانلىقىنى بىلدۈردى.

ترامپنىڭ ئالدىنقى پىرېزىدېنتلىقى مەزگىلىدە ئىككى دۆلەت مۇناسىۋىتىنىڭ ئىجابىي ئىلگىرىلىگەنلىكىنى تەكىتلىگەن پىرېزىدېنت ئەلىيېۋ، ئىككى دۆلەت ئوتتۇرىسىدىكى دوستلۇق ۋە ھەمكارلىقنىڭ راۋاجلىنىشىنى ئۈمىد قىلىدىغانلىقىنى ۋە شۇنداق بولۇشى ئۈچۈن كۈچ سەرپ قىلىدىغانلىقىنى ئەسكەرتتى.

دونالد ترامپ بولسا، ئىلھام ئەلىيېۋنىڭ تەبرىك تېلېفونى ئۈچۈن مىننەتدارلىقىنى بىلدۈردى، ئامېرىكا-ئەزەربەيجان ھەمكارلىقنى ئىلگىرى سۈرۈش يولىدىكى ئورتاق تىرىشچانلىقنىڭ ئەھمىيىتىنى تەكىتلىدى.