«süriye mesilisi» témiliq astana söhbetliri yighini qazaqistanda ötküzüldi
türkiye, rusiye we iranning kapaletchilikide ishqa kirishtürülgen «süriye mesilisi» témiliq 22 – nöwetlik astana söhbetliri yighini qazaqistanning paytextide bashlandi. yighin ikki kün dawamlishidu
türkiye awazi radiyosi xewiri: qazaqistan tashqi ishlar ministirliqining bildürüshiche, yighinning birinchi küni wekiller heyetliri ara ikki we üch tereplik söhbetler ötküzülidiken, ikkinchi küni birleshme yighin we axbarat élan qilish yighini ötküzülidiken.
süriye krizisini hel qilish meqsitide ishqa kirishtürülgen astana söhbetliri musapisining 22 – nöwetlik yighinida, süriyening etrapidiki rayonluq weziyet, dölette kirizisni omumyüzlük hel qilish chariliri, kishilik yardem ishliri we nöwettiki weziyet, terepler otturisidiki özara ishenchni ashurush, süriyeni qayta qurush hemde süriyelik musapirlarning öz wetinige qaytishigha kapaletlik qilish qatarliq mesililer muzakire qilinidu.
astana söhbetliri musapisining kapaletchiliri eng axirqi qétim bu yil 24- we 25-yanwar künliri qazaqistanning paytexti astanada bir yerge jem bolghan idi.
