özbékistan taghlirida ottura esirge tewe ikki yoshorun sheher bayqaldi
amérika washington uniwérsitéti mutexessisliri özbékistanning égiz taghlirida yipek yolining tarixiy nuqtisidin intayin muhim ehmiyetke ige ikki qedimiy sheherni bayqidi.
türkiye awazi radiyosi xewiri: mutexessisler <tashbulaq> we <tughunbulaq> dep atalghan bu ottura esirge tewe qedimiy sheherlerning tepsiliy xeritilirini rayondiki uchquchisiz ayropilan arqiliq lidar téxnikisi bilen bayqidi.
mixail frachétti bashchiliqidiki guruppa lidar téxnikisi bilen sheherlerning meydanlirini, sépillirini, yollirini we turalghu rayonlirini tekshürdi.
ikki ming métir égizliktiki bu sheherler shu dewrdiki taghlarda tereqqiy qilghan soda merkezlirining biri bolup aldinqi pilangha chiqmaqta.
frachétti <tughunbulaq> ning 120 géktarliq meydani bilen shu dewrdiki eng chong sheherlerning biri ikenliki texmin qilinghanliqini tekitlep: «bu merkezler yipek yolidiki chong alaqe nuqtiliri idi. bu yerde charwa mallar, qimmetlik medenler we bashqa bayliqlar sodining hayatliq tomuri idi» dédi.
deslepki qézishlar <tughunbulaq> ta üch métir qélinliqtiki lay tamlar bilen qorshalghan bir qurulushning yerlik tömürchilerning polat ishlepchiqiridighan zawuti bolushi mumkinlikini körsetmekte.
bu bayqash ottura asiyaning yipek yolidiki roli heqqide muhim uchurlarni bérish bilen birge, kelgüsi tetqiqatlarda rayonning tarixigha dair yéngi bayqashlarning mumkinlikige isharet qilmaqta.
