كەركۈكتە  تېررورلۇق تەشكىلاتى دائېشقا قارشى ھەرىكەت ئېلىپ بېرىلدى

تۈركىيە ئاۋازى رادىيوسى خەۋىرى: ئىراق ئىچكى ئىشلار مىنىستىرلىقىنىڭ باياناتىدا، كەركۈكنىڭ پەنجا ئەلى رايونىغا يېقىن جايدا بىر گۇمانلىق ئاپتوموبىلنىڭ بىخەتەرلىك قىسىملىرى تەرىپىدىن تەقىپ ئاستىغا ئېلىنغانلىقى بىلدۈرۈلدى.

باياناتتا، گۇمانلىق ئاپتوموبىلنىڭ كېيىن توختىتىلغانلىقى ۋە تەكشۈرۈش جەريانىدا، ئاپتوموبىلدا ئولتۇرغان تېررورلۇق تەشكىلاتى دائېش ئەزاسى ئىككى ئادەم بومبىنىڭ ئۆزىنى پارتلىتىشى نەتىجىسىدە ئۆلگەنلىكى ئۇقتۇرۇلدى.

باياناتتا، بىخەتەرلىك قىسىملىرىنىڭ رايوندىكى ھەرىكەتلىرىنى داۋاملاشتۇرۇۋاتقانلىقى بىلدۈرۈلدى.