әзәрбәйҗан кесәк алтун дөләтлиригә әза болушни рәсмий илтимас қилди

түркийә авази радийоси хәвири: һаҗизадә байанат елан қилип: «әзәрбәйҗан кесәк алтун дөләтлиригә әза болушни рәсмий илтимас қилди» деди.

7-айниң 3-күнидин 4-күнигичә қазақистанниң пайтәхти астанәдә өткүзүлгән шаңхәй һәмкарлиқ тәшкилатиға әза дөләтләрниң дөләт башлиқлири йиғини җәрйанида әзәрбәйҗан билән хитай оттурисида «истратегийәлик шериклик мунасивити орнитиш хитабнамиси» мақулланғаниди.

хитабнамәдә, әзәрбәйҗанниң кесәк алтун дөләтлиригә кириш арзуси байан қилинған, хитайниңму бу тәләпни қарши алидиғанлиқи оттуриға қойулғаниди.

русийә пирезиденти виладимир путинниң 18-авғусттин 19-авғустқичә давамлашқан әзәрбәйҗандики дөләт ишлири зийарити даирисидә мақулланған бирләшмә хитабнамидә, русийәниң әзәрбәйҗанниң кесәк алтун дөләтлиригә қатнишишини қоллайдиғанлиқи тәкитләнгәниди.

2006-йили 6-айда сант. петербург хәлқара иқтисад мунбиридә биразилийә, русийә, һиндистан вә хитайниң бир йәргә җәм болуши билән қурулған кесәк алтун дөләтлири 2010-йили җәнубий африқаниң вә бу йил мисир, ефийопийә, иран вә әрәб бирләшмә хәлипиликиниң иштирак қилиши билән дөләт һалқиған тәшкилатға айланди. бу җәрйанда 40 нәччә дөләт кесәк алтун дөләтлиригә қошулуш үчүн илтимас қилди.