ilham eliyéw rusiye emeldari sérgéy shoyguning ziyaritini qobul qildi
ezerbeyjan pirézidénti ilham eliyéw rusiye bixeterlik kéngishining bash katipi sérgéy shoyguning ziyaritini qobul qildi.
türkiye awazi radiyosi xewiri: ezerbeyjan pirézidéntliq mehkimisining bayanatigha asaslanghanda, ilham eliyéw paytext bakuda uchrishishlarda boluwatqan shoyguning ziyaritini qobul qilghan we bir qisim qoshna döletlerge nisbeten ülge bolush salahiyitige ige ezerbeyjan-rusiye munasiwetlirining jenubiy kawkazda téximu keng rayonda bixeterlikning muhim amili bolghanliqini éytqan.
shoygu rayonning bixeterliki, herbiy, qatnash we iqtisad qatarliq sahelerdiki ezerbeyjan - rusiye munasiwetlirining muweppeqiyetlik tereqqiy qilghanliqini bildürgen.
rusiye bilen ezerbeyjanning ikki tereplik hemkarliqining kün tertipide intayin muhim mesililerning barliqini tekitligen shoygu, barliq mesililerning muweppeqiyetlik hel qilinghanliqini éytqan.
shoygu rusiyening ezerbeyjan bilen erméniye otturisidiki munasiwetlirining normallishish musapisini qollaydighanliqini bildürgen.
ilham eliyéw bilen shoygu türkiye, rusiye we iran bilen ezerbeyjan, erméniye we gruziyening 3 + 3 sheklidiki hemkarliq mumkinchilikini muzakirileshken.
