toqayéw: ottura asiyaning xelqara sehnidiki inawitini ashurushqa alahide ehmiyet bérish kérek
qazaqistan pirézidénti qasim jömer toqayéw ichki bixeterlikke, mudapie iqtidarini kücheytishke, qazaqistan we pütkül ottura asiyaning xelqara sehnidiki inawitini ashurushqa alahide ehmiyet bérish kéreklikini bildürdi.
türkiye awazi radiyosi xewiri: qazaqistan pirézidénti qasim jömert toqayéw barliq yuqiri qatlamdikiler bilen döletning ijtimaiy-iqtisadiy tereqqiyati toghrisida yighin achti.
u qazaqistanning ijtimaiy we iqtisadiy mesililiri üstide toxtalghanda, kona pirogrammilarning hazirqi dewrde qimmitini yoqatqanliqini, shunga dölet üchün yéngi tereqqiyat pilanining tüzülidighanliqini bildürdi.
u dunyada soda cheklimilirining künséri küchiyiwatqanliqini, döletler otturisidiki özara ishenchsizlikning küchiyiwatqanliqini eskertip, yémek-ichmek mehsulatlirida hazirghiche chet elge tayinidighanliqlirini we hökümetning eng muhim ishining ichki ishlepchiqirish nisbitini ashurush ikenlikini otturigha qoydi.
u: «kapitalini chet elge yötkigenler» ge xitab qilip, eger ular döletke meblegh salsa, ulargha qarshi héchqandaq tedbir qollinilmaydighanliqi toghrisida wede berdi.
u dunyada muhim özgirishlerning boluwatqanliqini körsitip mundaq dédi: «bu sewebtin, ichki bixeterlikke, mudapie iqtidarini kücheytishke, qazaqistan we ottura asiyaning xelqara sehnidiki inawitini ashurushqa alahide ehmiyet bérish kérek.»
