ezerbeyjanda «noruz bayrimi» ni tebriklesh paaliyetliri bashlandi
türk dunyasining eng muhim bayramliridin biri we baharning xush xewerchisi bolghan «noruz bayrimi» ezerbeyjanda her xil paaliyetler arqiliq tebriklenmekte.
türkiye awazi radiyosi xewiri: kona bayram örp- adetlirini saqlap qalghan ezerbeyjandiki «noruz bayrimi» ni tebriklesh paaliyetliridin birining adrési baku shehirining suraxani nahiyesidiki tarixiy ateshgah ibadetxanisi idi.
bakuluq xelqi ateshgah ibadetxanisida ötküzülgen «noruz bayrimi» ni tebriklesh paaliyetlirige seldek aqti. paaliyetler dawamida her xil muzika ömekliri sehnige chiqip, senet nomurlirini orunlidi. körgezme supilirida yerlik yémeklikler, kiyim-kéchekler we qol hünerwenchilik buyumliri tonushturuldi.
«noruz gülxani» gha ot yéqilghan paaliyette, ezerbeyjanning oxshimighan rayonliridin kelgen, milliyche kiyimlerni kiygen senetchilerning naxsha - muzika we ussul nomurliri, darwazlarning kishini hayajangha salidighan maharetliri tebriklesh paaliyetlirige reng qoshti.
«noruz bayrimi» ni tebriklesh paaliyitide yene, qilich qalqani qatarliq türlük tenterbiye musabiqilirimu ötküzüldi.
igilinishiche, ezerbeyjanda «noruz bayrimi» ni tebriklesh paaliyetliri munasiwiti bilen 3-ayning 27-künigiche resmiy bayram qilip békitilgen bolup, mezkur paaliyetler taki bayram axirlashqangha qeder dawamlishidiken.
مۇناسىۋەتلىك خەۋەرلەر
qazaqistanda ismailow qayta bash ministir boldi
qazaqistanda elixan ismailow hökümet bashliqliqigha qayta teyinlendi.
