ilham eliyéw bakuda sérgéy lawrowni qobul qildi

ezerbeyjan pirézidénti ilham eliyéw bakuning erméniye we rusiye bilen birlikte jenubiy kawkaziyede tinchliqni eslige keltürüsh üchün, ijabiy xizmetlerni élip bérish iradisining qetiy ikenlkini otturigha qoydi.

1952777
ilham eliyéw bakuda sérgéy lawrowni qobul qildi

türkiye awazi radiyosi xewir: ezerbeyjan pirézidéntliq mehkimisi bayanat élan qilip, ezerbeyjan pirézidénti ilham eliyéwning tünügün (27-féwral) paytext bakugha yétip kelgen rusiye tashqi ishlar ministiri sérgéy lawruwni qobul qilghanda söz qilip, lawruwning bu qétimqi ziyaritining 2022-yili 2-ayning 22-küni rusiye bilen ezerbeyjan arisida imzalanghan «ittipaqliq paaliyetliri xitabnamisi» ning xatire künige béghishlanghanliqini bildürgenlikini uqturdi.

pirézidént ilham eliyéw ezerbeyjanning rusiye bilen bolghan munasiwetlirining yaxshilanghanliqini, intayin muhim mesililerning hel qilinghanliqini, bu yil (2023) ni yaxshi asas bilen bashlighanliqlirini, lawruwning bu qétimqi ziyaritining ikki dölet munasiwetlirige alahide heriketchanliq béghishlaydighanliqini éytti.

2023 – yilining ezerbeyjan – erméniye munasiwetlirining normallishishqa qarap ilgirileydighan bir yil bolushini arzu qilidighanliqini éytqan ilham eliyéw, bu musapige aktip hesse qoshqan rusiye hökümitige rehmet éytti.

sérgéy lawrowmu rusiye pirézidénti putinning rusiye bilen ezerbeyjanning ittipaqdashliq munasiwitini rawajlandurushqa alahide ehmiyet béridighanliqini tekitlep: «rayon bixeterliki ikki tereplik we köp tereplik munasiwetlirimizde intayin muhim mesile bolush ornini saqlap kelmekte. bu rayondin yiraqtikilernimu öz ichige alghan nurghun xelqaraliq mensepdashlirimiz ezerbeyjan bilen erméniye otturisidiki munasiwetlerning normallishishigha sharait yaritip bérishke intayin qiziqmaqta. putinning köp qétim éytqinidek, weziyetni muqimlashturush we bu rayondiki her qaysi döletlerni özara hörmet qilish asasida hemkarlishish pursitige ige qilishni meqset qilghan barliq tirishchanliqlarni qarshi alimiz» dédi.


خەتكۈچ: #uyghurche , #rusiye , #ezerbeyjan

مۇناسىۋەتلىك خەۋەرلەر