ilham eliyéw 59-nöwetlik myunxén bixeterlik kéngishi yighinida muhim söz qildi

türkiye awazi radiyosi xewiri: ilham eliyéw, «taghni örüsh؛ jenubiy kawkaz rayonida bixeterlik berpa qilish» témiliq yighinda, «elwette biz yawro-asiyaning tinchliqini ishqa ashurushni xalaymiz. ezerbeyjan we erméniye bolush süpitimiz bilen, biz hazir tinchliq kélishimi üstide xizmet qiliwatimiz, buni eng qisqa waqitta emelge ashurushini ümid qilimiz. méningche bu jiddiy we tarixiy ixtilapliri bar bolghan döletlerning bir yerge jem bolup, düshmenlik betlirini yépishgha yaxshi misal bolup qilishi mumkin» dédi.

ilham eliyéw erméniye bilen bolghan tinchliq söhbiti toghrisida amérika tashqi ishlar ministiri antoniy billinkén we pashinyanmu qatnashqan üch tereplik uchrishish üstide toxtilip, «ezerbeyjan we erméniyening tinchliq söhbiti» shundaqla «ezerbeyjanning qarabaghdiki erméniye ahaliliri bilen körüshüshi» qatarliq ikki yönilishlik pozitsiyege qarita ortaq tonush barliqini otturigha qoydi.

ilham eliyéw buninggha teyyar ikenlikini tekitlep, buni rayonda yashaydighan erméniye jemiyiti wekilliri bilen muzakire qilalaydighanliqini, emma rusiyedin kelgen kishiler bilen qilmaydighanliqini éytti.

gruziye bash ministiri garibashwilimu bu yighinni teshkilleshke töhpe qoshqanlargha rehmet éytti we rosiye-ukraina urushining hemmeylenge qiyinchiliq élip kelgenlikini bayan qildi.

garibashwili 2008-yili özliriningmu rusiyege qarshi urush qilghanliqini, rusiyening gruziye zémini bolghan abxaziye we jenubiy osétiyeni ishghal qilghanliqini eskertti.

garibashwili rusiyening emdilikte ukrainagha merkezleshkenlikini tekitlep, «bu bir weyran qilghuch urush, biz bu urushni axirlashturush üchün qolimizdin kélishiche tirishishimiz kérek, bizning tinchliqtin bashqa tallishimiz yoq» dédi.

pashinyanmu yighinida qilghan sözide, «yer sharining muqimsizliqi rayonimizdiki ishlarni yaxshilimaydu. uzundin buyan xelqaraning diqqiti ukrainagha merkezleshti we bu rayonimiz üchün yéngi xeterlerni élip kelmekte. xelqaraning diqqitini rayonimizgha tartishmu intayin muhim, chünki rayonimizda birterep qilish kéreklik nurghun xeterler bar» dédi.

pashinyan özlirining démokratik islahatlargha sadiq ikenlikini bildürüp, démokratik islahatlar, qanunning üstünliki, kishilik hoquq we musteqil edliye qatarliq démokratik organlarning tereqqiyatining rayonining omumiy weziyitini yaxshilaydighanliqigha ishinidighanliqini éytti.