ezerbeyjan we rusiye lachin karidori weziyitini muzakire qildi

türkiye awazi radiyosi xewiri: ezerbeyjan tashqi ishlar ministirliqi jeyxun bayramow bilen sérgéy lawrowning téléfonda körüshkenliki toghrisida bayanat élan qildi.

bayanatta, ezerbeyjan tashqi ishlar jeyxun bayramowning téléfon söhbitide, rusiye herbiy qisimliri waqitliq orunlashqan ezerbeyjan zéminlirida kan bayliqlirini qanunsiz échish we lachin karidoridin qanunsiz paydilinish qilmishlirini toxtitish üchün ötküzülgen namayishlarda otturigha qoyulghan teleplerning téxiche orunlanmighanliqini, muhasire we insaniy weziyetke munasiwetlik gep-sözlerning héchqandaq asasining yoqluqini bildürgenliki qeyt qilindi.

u erméniyening ezerbeyjan zéminlirini 30 yil boyiche ishghal qiliwalghan bolsimu, ikkinchi qarabagh urushidin kéyin ezerbeyjanning erméniye bilen bolghan munasiwetlerni normallashturush toghrisida tekliplerni sunghanliqini, tinchliq ornitish üchün tirishchanliq körsetkenlikini eskertip, erméniyening ighwagerchiliklirining bulargha tosqunluq qilghanliqini bildürdi.

ezerbeyjan 2022-yili 10-dékabir ermenler yashaydighan we rusiye herbiy qisimliri waqitliq orunlashqan ezerbeyjan zéminlirida kan bayliqlirining qanunsiz échilishi we buning netijiside muhitqa qilinghan buzghunchiliqlarni tekshürüsh meqsitide rayongha bir türküm mutexessislerni ewetken, emma ermenler teripidin tosuwélinghan idi.

buning bilen, ezerbeyjan muhit qoghdash teshkilatlirining ezaliri we bezi paaliyetchiler 12-dékabir ezerbeyjan zéminliridiki kan bayliqlirini qanunsiz échishning aldini élishni telep qilip, lachin karidorida namayish bashlighan idi.

namayishchilar ezerbeyjan zéminliridiki ermenlerning kélish-kétish ishlirida paydilinidighan lachin karidori yolida «ékologiyelik térrorluq axirlashturulsun» shoarliri astida teleplirini yetküzüshke tirishmaqta.