ezerbeyjanda iran jasusluq torigha qarshi heriket élip bérildi

türkiye awazi radiyosi xewiri: ezerbeyjan ichki ishlar ministirliqidin élinghan melumatlargha asaslanghanda, paytext baku we bashqa rayonlarda bir qatar teshkilat we shirketlerde tinitish élip bérilghan.

bildürülishiche, tinitish élip bérilghan teshkilatlar arisida, «salam niyus» xewer agéntliqi bilen «intéraz» téléwiziye qanilimu bar bolup, yette kishi tutulghan.

ezerbeyjanning iran paytexti téhrandiki elchixanisi 27-yanwar (2023) qoralliq hujumgha uchrap, amanliq qoghdighuchilarning bashliqi jénidin ayrilip, ikki amanliq qoghdash xadimi yarilanghan idi.

ezerbeyjan pirézidénti ilham eliyéw hujumni «térrorluq herikiti» dep élan qilghan idi.

hujumdin kéyin, ezerbeyjanning téhran elchixanisining xizmiti waqitliq toxtitilip, barliq elchixana xadimlirining aile-tawabiatliri bakugha qaytqan idi.

ezerbeyjan tashqi ishlar ministirliqi puqralarning mejburiy qalmighan ehwalda irangha barmasliqini, barghanlarning intayin diqqet qilishini tewsiye qilghan idi.