türkiye, rusiye we türk döletliri teshkilati ezerbeyjan elchixanisigha qilinghan hujumni eyiblidi

türkiye awazi radiyosi xewiri: ezerbeyjan pirézidénti ilham eliyéw özining ijtimaiy taratqu supisidiki adrésida bayanat élan qilip: «men bügün téhrandiki elchixanimizgha qaritilghan térrorluq herikitini qattiq eyibleymen. elchixana we elchixana xadimlirining bixeterlikige kapaletlik qilish yolida shéhit bolghan orhan eskerowning aile – tawabiatlirigha teziye bildürimen» dégenlerni qeyt qildi.

ezerbeyjanning téhrandiki elchixanisigha qilinghan hujumni eyibligen türkiye büyük milliy mejlisi (parlaménti) bashliqi mustapa shentop, ezerbeyjan milliy mejlisi reisi sahiba gafarowagha téléfon qilip hujumning tepsilati heqqide uchur igilidi hemde elchixana xadimi üchün teziye bildürdi, yaridarlarning salametlikining tézrek eslige kélishini tilidi.

türkiye jumhuriyiti muawin jumhur reisi fuat oqtaymu hujumni eyiblep: «biz her daim ezerbeyjan bilen bir septe turimiz» dédi.

dölitimiz (türkiye jumhuriyiti) tashqi ishlar ministiri mewlüt chawushoghlumu ezerbeyjan tashqi ishlar ministiri jeyhun bayramowgha bilen téléfonliship, ezerbeyjan elchixanisigha qilinghan xainlarche hujumni qattiq eyiblidi we türkiyening her daim ezerbeyjan bilen bir septe ikenlikini tekitlidi.

chawushoghlu uchrishishta téhranning ezerbeyjan elchixanisigha qilinghan xiyanetchi hujumni küchlük eyiblidi we türkiyening ezerbeyjan bilen daim bille ikenlikini tekitlidi.

türkiye jumhuriyiti jumhur reislik mehkimisi uchur – alaqe idarisi bashliqi fahrettin altunmu ijtimaiy taratqudiki adrésida bayanat élan qilip, hujumni qattiq eyiblidi.

adalet we tereqqiyat partiyesi bayanatchisi ömer chelik: «qérindash ezerbeyjanning téhrandiki elchixanisigha qilinghan hujumni lenetmiz» dep uchur hembehrilidi.

türk döletliri teshkilati bash katipi, bash elchi kubanichbek ömüraliyéwmu téhrandiki ezerbeyjan elchixanisigha qilinghan hujumni eyiblidi we naraziliq bildürüp: «biz iran dairilirining bu zorawanliq hujumini etrapliq tekshürüp, jawabkarlarni qanunning bir terep qilishigha tapshurushini telep qilimiz» dédi.

rusiye tashqi ishlar ministirliqimu ezerbeyjanning téhrandiki elchixanisigha qilinghan hujumdin kéyin bayanat élan qilip, ezerbeyjangha teziye bildürdi.

bügün etigendiki iranning paytexti téhrandiki ezerbeyjan elchixanisi qoralliq hujumgha uchrap, elchixanining bixeterlikini qoghdawatqan etretning bashliqi qaza qilghan, ikki amanliq saqlighuchi yarilanghanidi.