bakuda turushluq iran bash elchisi tashqi ishlar ministirliqigha chaqirildi

türkiye awazi radiyosi xewiri: ezerbeyjan tashqi ishlar ministirliqi iran bash elchisining ministirliqqa chaqirilghanliqi toghrisida bayanat élan qildi.

bayanatta bildürülishiche, iran bash elchisi musewigha, her bir döletning diplomatik munasiwetler heqqide wiyénna shertnamisida belgilengen mejburiyetliri boyiche, chet döletlerning diplomatik organlirini qoghdishi kérekliki tekitlengen. buningdin bashqa, téhrandiki ezerbeyjan elchixanisigha qilinghan hujumning shiddet bilen eyiblengeniliki, elchixanilargha qaritilghan bu xil hujumlarni qobul qilghili bolmaydighanliqi eskertilgen.

bayanatta, ministirliqning, bakuda turushluq bash elchi musewi arqiliq iranning munasiwetlik organlirigha, térrorluq hujumining jawabkarini baldurraq tépip sotqa tapshurushni, térrorluq hujumini keng dairide tekshürüshni, jinayetni teshkilligen we ötküzülüshige chétishliq barliq kishilerni tépip jazalashni qattiq telep qilinghanliqing yetküzülgenliki bildürüldi.

bayanatta yene, iran bash elchisi musewigha, iranda yéqinqi künlerde barghanséri éshiwatqan ezerbeyjangha qarshi pilanliq tetür teshwiqatlardin peyda bolghan biaramliqlar we yüz bergen weqelerning, munasiwetlerni téximu murekkepleshtürüwetkenliki eskertildi.

iran bash elchisi musewi bolsa, hujumni qattiq eyibleydighanliqlirini we yüz bergen weqedin chongqur qayghurghanliqlirini eskertip, jénidin ayrilghan amanliq qoghdighuchilar üchün teziye bildürgen.

u munasiwetlik organlarning weqeni tekshürüwatqanliqini, tekshürüsh ayaqlashqanda keng melumat béridighanliqlirini qeyt qilghan.

téhran saqchi idarisining bashliqi hüseyin rahimining hoquqidin élip tashlanghanliqi xewer qilindi.