türk döletliri teshkilati bash katipi ömüraliyéw tashkentte pirézidént mirziyayéw bilen körüshti

türkiye awazi radiyosi xewiri: özbékistan pirézidéntliq mehkimisi ishxanisi bayanat élan qilip, pirézidént shewket mirziyayéwning tashkentte chaqirilghan iqtisadiy hemkarliq teshkilatigha eza döletler tashqi ishlar ministirliri yighinigha ishtirak qiliwatqan türk döletliri teshkilati bash katipi ömüraliyéw bilen körüshüp, özbékistanning türk döletliri teshkilati nöwetchi reisliki mezgilidiki muhim nishan we mejburiyetlirini emelge ashurushigha munasiwetlik mesililer toghrisida sözleshkenlikini bildürdi.

uchrishish jeryanida, ömüraliyéwning teshkilatning tereqqiyatidiki muhim burulush nuqtilirining biri bolghan 11-noyabir (2022) özbékistanda chaqirilghan semerqent bashliqlar yighinining ehmiyitini tekitlep, yighinda teshkilatning paaliyetlirini téximu ilgiri sürülüshige sharait hazirlap béridighan muhim höjjetlerning imzalanghanliqini xatirilitp ötkenliki qeyt qilindi.

ömüraliyéw uchrishishta yene, teshkilatning hemkarliq we shériklik imkaniyetliridin ünümlük paydilinish üchün, özbékistan bilen yéqindin hemkarlishishqa teyyar ikenlikini otturigha qoydi.