تۈركىيە - ئەزەربەيجان ئارمىيەلىرى بىرلەشمە ھەربىي مانېۋىر ئۆتكۈزدى

تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنىستىرلىقى بايانات ئېلان قىلىپ، ئەسكەرلەرنىڭ ئۆزلىرى بىلەن قارشىلاشقان سىمۋول خاراكتېرلىك دۈشمەن كۈچلىرى ۋە ئاپتوموبىللىرىنى بىتچىت قىلىپ تاشلىغانلىقىنى ئۇقتۇردى.

ھەر قايسى قىسىملارنىڭ ئۇرۇش جەريانىدا ماسلىشىشنى كاپالەتكە ئىگە قىلىش، باشقۇرۇش ئاپپاراتلىرىنى ياخشىلاش ۋە تەجرىبە ئالماشتۇرۇش نىشان قىلىنغان بىرلەشمە مانېۋىر جەريانىدا، ئەسكەرلەرنىڭ ناھايىتى يۇقىرى سەۋىيەدە ماھارەتلىرىنى نامايان قىلغانلىقى قەيت قىلىندى.