түркийә вә әзәрбәйҗан қораллиқ қисимлири бирләшмә һәрбий маневир башлиди

түркийә вә әзәрбәйҗан қораллиқ қисимлири әзәрбәйҗанда бирләшмә һәрбий маневир өткүзмәктә.

1914746
түркийә вә әзәрбәйҗан қораллиқ қисимлири бирләшмә һәрбий маневир башлиди

түркийә авази радийоси хәвири: әзәрбәйҗан дөләт мудапиә министирлиқиниң байанатида, икки дөләт оттурисидики һәрбий һәмкарлиқ келишими рамкисида түркийә вә әзәрбәйҗан армийәсиниң баку, астара, җәбраил вә имишли қатарлиқ вилайәтләрдә маневир башлиғанлиқи билдүрүлди.

маневирда қуруқлуқ вә һава армийәси, алаһидә қисим, истеһкам әтрәтлири, башқурулидиған бомба вә зәмбирәк әтрәтлири түрлүк вәзипиләрни орундимақта.

заманиви уруш усуллири иҗра қилинған бу қетимқи маневирда, һәрқайси қисимларниң маслишишчан паалийәтлирини тәшкилләш, дәрйадин өтүш үчүн понтон көврүки орнитиш вә модел дүшмән райониға қонуш қатарлиқ вәзипиләр орундалмақта.

бирләшмә маневирда, қисимларниң уруш җәрйанидики маслишишчанлиқиға капаләтлик қилиш, башқурушни йахшилаш, тәҗрибә алмаштуруш вә хадимларниң кәспий иқтидарини ашуруш мәқсәт қилиниду.



مۇناسىۋەتلىك خەۋەرلەر