qirghizistan aqsaqallar kéngishi chet ellerdiki qirghizlarning wetinige qaytishini telep qildi

türkiye awazi radiyosi xewiri: qirghizistan pirézidénti sadir japparow 25 - noyabirdin 26 - noyabirgiche (2022) paytext bishkekte ötküzülgen 1 -  nöwetlik xelq qurultiyi aqsaqallar kéngishining ezalirini qobul qildi.

aqsaqallar kéngishi ezaliri 1 -  nöwetlik xelq qurultiyi teshkillesh arqiliq siyasiy iradini namayan qilghanliqi üchün pirézidént sadir japparowgha rehmet éytti.

aqsaqallar kéngishi ezaliri hökümetke 2050 -  yilliq nishanni öz ichige alghan tereqqiyat pirogrammisini tüzüsh teklipide boldi we bu pirogramma dairiside köchmen qirghizlarning wetinige qaytip kélishini kapaletke ige qilishni telep qildi.

resmiy menbelerge asaslanghanda, texminen 7 milyon nopusi bolghan qirghizistan puqraliridin 600 mingdin köprek kishi rusiyede, 30 minggha yéqin kishi qazaqistanda we 30 minggha yéqin kishi türkiyede köchmen süpitide yashimaqta.