türkiye ürümchidiki échinishliq weqe heqqide xitaydin izahat telep qildi

türkiye uyghur aptonom rayonining merkizi ürümchide 24-noyabir (2022) yüz bergen ot apitide qaza qilghanlar heqqide xitay dairiliridin izahat bérishni telep qildi.

1911429
türkiye ürümchidiki échinishliq weqe heqqide xitaydin izahat telep qildi
Urumçi.jpg
urumçi.jpg

türkiye awazi radiyosi xewiri: türkiye tashqi ishlar ministirliqining bu heqtiki yazma bayanatida, uyghur aptonom rayonining merkizi ürümchide yüz bergen ot apitide jénidin ayrilghan we yarilanghanlar barliqidin chongqur qayghurush ichide xewer tépilghanliqi eskertilip, bu échinishliq weqe yüzisidin türkiyening teziye tileklirini yollaydighanliqi we yarilanghanlargha baldurraq  shipaliq tileydighanliqi bildürüldi.

bayanatta yene: «ot apitining sewebi heqqide ammigha chüshendrürüsh bérilishini kütmektimiz» déyiildi.

diplomatik menbeler teminligen bayanatta, «türkiye xitay dairiliridin ot apitining sewebi heqqide izahat telep qildi» déyildi.

24-noyabir (2022) uyghur aptonom rayonining merkizi ürümchide karantina astida ikenliki ilgiri sürülgen bir turalghu binasida yüz bergen ot apitide, 10 kishining jénidin ayrilghanliqi bildürülgen idi.

ot apiti yüz bergen turalghuda turushluq ahalilerning karantina sewebidin öyliridin sirtqa chiqalmighanliqi, ot öchürüsh etretlirining tömür tosuqlar bilen qorshalghan turalghu binasigha kirmigenliki we otning waqtida öchürülelmigenliki sewebidin qattiq naraziliq qozghilip, namayishqa aylanghan idi.


خەتكۈچ: #türkiye , #xitay , #ürümchi

مۇناسىۋەتلىك خەۋەرلەر