тоқайев қәсәм берип вәзипә өтәшни башлиди

қазақистанда муддәттин бурун өткүзүлгән пирезидентлиқ сайлимида ғәлибә қилған нөвәттики пирезидент қасим җөмәрт тоқайев, қәсәм берип, вәзипә өтәшни башлиди.

1911379
тоқайев қәсәм берип вәзипә өтәшни башлиди
tokayev yemin etti.JPG
tokayev yemin etti.JPG

түркийә авази радийоси хәвири: қазақистанда 20 – нойабирда өткүзүлгән пирезидентлиқ сайлимида ғәлибә қазанған қасим җөмәрт тоқайев үчүн пайтәхт астанәдики мустәқиллиқ сарийида қәсәм бериш мурасими өткүзүлди؛ мурасимға баш министир, парламент әзалири, министирлар вә нурғун тәклиплик меһманлар қатнашти.

тоқайев «хәлқигә садиқлиқ билән хизмәт қилидиғанлиқи, қазақистанниң асасий қануни вә қанунлириға қаттиқ әмәл қилидиғанлиқи, пуқраларниң һоқуқи вә әркинликигә капаләтлик қилидиғанлиқи вә өзигә йүкләнгән еғир мәҗбурийәтни әстайидиллиқ билән ада қилидиғанлиқи» тоғрисида қәсәм берип вәзипә өтәшни башлиди.

у, қазақистанниң дөләт мәнпәәтини қоғдашни асас қилған тәңпуң вә иҗабий ташқи сийасәт йүргүзүшни давамлаштуридиғанлиқини тилға елип: «қошна дөләтләр русийә, хитай вә оттура асийа дөләтлири билән өзара мәнпәәт йәткүзидиған шәкилдә һәмкарлиқ вә истратегийәлик шерикчилик мунасивити қуруш қатарлиқлар муһим ишимиз болиду» деди.

пирезидент тоқайев йәнә, америка қошма иштатлири, йавропа иттипақи, асийа вә оттура шәрқ дөләтлири һәмдә қизиқидиған барлиқ дөләтләр билән көп тәрәплимилик һәмкарлиқни давамлиқ күчәйтидиғанлиқини тәкитлиди.



مۇناسىۋەتلىك خەۋەرلەر