ئەزەربەيجاندا «بايراق كۈنى» تەبرىكلەنمەكتە

تۈركىيە ئاۋازى رادىيوسى خەۋىرى: «بايراق كۈنى» نى تەبرىكلەش پائالىيەتلىرى دائىرىسىدە «ھازار دېڭىزى» ساھىلىدىكى دۆلەت باغچىسىدا تۈرلۈك كۆڭۈل ئېچىش پائالىيەتلىرى ئۆتكۈزۈلدى، دۆلەت مارشى ئوقۇلدى.

خور ئۆمەكلىرىنىڭ  ئەزەربەيجان مىللىي مارشىنى ياڭرىتىشى بىلەن باشلانغان پائالىيەتتە، كۆك يۈزىگە ئەزەربەيجان بايرىقىنىڭ رەڭلىرىدىن تەشكىل تاپقان شارلار قويۇپ بېرىلدى.

ئۈچ رەڭدىن تەشكىل تاپقان ئەزەربەيجان بايرىقى 1918 – يىلى 9 – نويابىر كۈنى ئەزەربەيجان جۇمھۇرىيىتى ھۆكۈمىتى يىغىنىدا قوبۇل قىلىنغانىدى.

سابىق سوۋېت ئىتتىپاقىنىڭ يىمىرىلىشىدىن كېيىن مۇستەقىللىققا ئېرىشكەن ئەزەربەيجان، جۇمھۇرىيەت دەۋرىدە قوبۇل قىلىنغان بايراقنى 1991 – يىلى تەكرار مىللىي بايراق قىلىپ بېكىتكەنىدى.

ئەزەربەيجاندا 2009 – يىلى 9 – نويابىر كۈنى پىرېزىدېنت قارارنامىسىغا ئاساسەن «دۆلەتلىك بايراق كۈنى» ۋە رەسمىي بايرام ئېلان قىلىنغانىدى.