toqayéw: döletning musteqilliqi we menpeetlirini qattiq küch bilen qoghdashqa teyyarmiz

türkiye awazi radiyosi xewiri: qazaqistan pirézidénti jömert toqayéw hazar déngizi qerghaqlirigha jaylashqan mangistaw ishtatining memuriy merkizi bolghan aqtaw shehiride xizmetlerni tekshürüp, tetqiq qildi.

u rayondiki amma bilen körüshkende, eng axirqi qétim 2018-yili aqtawda échilghan rehberler yighinida, hazar déngizining qanuniy salahiyitining békitilishi bilen, döletning chégra mesililirining axirlashqanliqini bildürdi.

u hazirning özide qazaqistanning barliq dölet chégralirining qanuniy halda birleshtürülgenlikini bildürüp: «sabiq sowét ittipaqi döletlirining köpinchiside téxiche bu mesilide her xil ixtilaplar bar. eng yéqin qoshnilirimizning chégraliridimu urush we qoralliq toqunush yüz bériwatidu» dédi.

u saylam musapisigha kirgen qazaqistanda yéqinqi aylarda döletning uchur sistémilirigha qiliniwatqan hujumlarning köpeygenlikidin bésharet bérip: «yalghan uchurlarning tarqilishining aldini alimiz. buni ilgirimu éytqan idim. muqeddes dep bilidighan musteqilliqimizni we dölet menpeetlirimizni peqet diplomatiye yardimi bilenla emes, belki téximu qattiq küch bilen qoghdashqa teyyarmiz» dédi.

u döletning muqimliqi we bixeterlikining, tashqi siyasetning küntertipige tesir qilghinidek, ichki siyasitigimu chong tesir körsitidighanliqini qeyt qildi.

u mundaq dédi:

«dölitimizde we chet ellerde pitne-pasat we düshmenlik uruqi tériydighanlar bar bolghan ehwalda, gheplette turalmaymiz» dédi.