әзәрбәйҗан – әрменийә ташқи ишлар министирлири көрүшти

әзәрбәйҗан дипломатийә министири җәйһун байрамов билән әрменийә ташқи ишлар министири арарат мирзойан, икки дөләт оттурисидики тинчлиқ келишиминиң шәртлири үстидә сөһбәт елип бериш үчүн бир йәргә җәм болди.

1887448
әзәрбәйҗан – әрменийә ташқи ишлар министирлири көрүшти

түркийә авази радийоси хәвири: әзәрбәйҗан ташқи ишлар министирлиқиниң аммиви ортақлишиш тор бети Twitter сәһиписидә елан қилинған байанатида, әзәрбәйҗан дипломатийә министири җәйһун байрамов билән әрменийә ташқи ишлар министири арарат мирзойанниң, шивейтсарийәниң җәнвә шәһиридә бир йәргә җәм болғанлиқи, учришишта, икки дөләт оттурисидики тинчлиқ келишиминиң шәртлири үстидә сөһбәт елип берилғанлиқи билдүрүлди.

әрменийә баш министири никол пашинйан, 30 – сентәбир күни дөләтлик әрменийә телевизийә қанилиниң зийаритини қобул қилғанда бәргән байанатида, икки дөләт оттурисида ташқи ишлар министирлири дәриҗилик учришишларниң 2 – өктәбир күни ишқа ашурулидиғанлиқини уқтурғаниди.

у, учришишта, әзәрбәйҗан билән әрменийә оттурисидики тинчлиқ келишими лайиһәси тәййарлинидиғанлиқини илгири сүргәниди.

әзәрбәйҗан һөкүмити болса, учришишниң тәпсилати һәққидә мәлумат бәрмигәниди.



مۇناسىۋەتلىك خەۋەرلەر