qazaqistanda 20 - noyabirda muddettin burun pirézidéntliq saylimi ötküzülidighan boldi
qazaqistan pirézidénti qasim jomert toqayéw qazaqistanda muddettin burunqi pirézidéntliq saylimining 20 – noyabirda ötküzülishige dair qararnamigha imza qoydi.
türkiye awazi radiyosi xewiri: toqayéw imzadin kéyin yazma bayanat élan qilip, 6-ayda ötküzülgen asasiy qanun référandumi dairiside, siyasiy, ijtimaiy we iqtisadiy sahede élip bérilghan islahatlar üstide toxtaldi.
toqayéw: «xelqimiz siyasiy tüzülmini özgertish pilanimizning muhimliqini obdan chüshinidu» dédi.
toqayéw asasiy qanunning teqezzasi boyiche muddettin burunqi pirézidéntliq saylimining 2022-yili 20 - noyabirda ötküzüsh qararnamisigha imza qoyghanliqini bildürüp, «bu saylam döletning pütkül siyasiy tüzümini tüptin özgertidighan jeryanning bashlinishi bolidu» dédi.
bu saylam arqiliq dölettiki iqtisad we jamaet parawanliqi saheside uzun muddetlik wezipilerning orundilishigha purset yaritilidighanliqini tekitligen toqayéw: «pat yéqinda saylamdin burunqi nishanimni élan qilimen. men hazirqi prézidént bolush süpitim bilen saylam musapisining adil, ochuq –ashkara, yerlik we chetellik küzetküchilerning keng qatnishishi bilen qanungha qattiq riaye qilinghan asasta ötküzülishige kapaletlik qilimen» dédi.
