ezerbeyjan yene 95 ermen eskerning jesitini erméniyege ötküzüp berdi

türkiye awazi radiyosi xewiri: ezerbeyjan döletlik tutqun qilinghan, yoqap ketken we görüge élinghan puqralar komissiyesi bayanat élan qilip, 12 – 14 - séntebir künliri yüz bergen toqunushlarda jénidin ayrilghan erméniye eskerlirining jesetlirini izdesh xizmetlirining dawamlishiwatqanliqini, ezerbeyjan herbiy teptish mehkimisi xizmetchiliri, 95 ermen eskirining jesitini tekshürüp, héchqandaq zorawanliq qilish alametlirini bayqimighanliqini jezmleshtürgendin kéyin, jesetlerning xelqara qizil kiris hilal ay teshkilati arqiliq erméniyege tapshurup bérilgenlikini uqturdi.

bayanatta, ermen eskerlirining jesetlirini ötküzüp bérish xizmetlirining dawamlishidighanliqi bildürüldi.

ezerbeyjan 17 – séntebirdimu erméniyege 32 eskerning jesitini ötküzüp bergenidi.

ezerbeyjan dölet mudapie ministirliqi, 12 - séntebir kechte ezerbeyjanning dashkesen, kelbejer, lachin we zanggilan terepliride erméniye qisimlirining keng kölemlik ighwagerchilik herikiti qozghishi netijiside toqunushlarning bashlinip ketkenlikini uqturghanidi.

alaqidar tereplerning diplomatik tirishchanliqliri netijiside, ezerbeyjan bilen erméniyening 2 - qarabagh urushi (2020)din kéyinki eng chong toqunushni toxtitish toghrisida kélishkenliki bildürülgenidi.

toqunushtin kéyin, ezerbeyjan 79 eskirining shéhit bolghanliqini élan qilghan bolsa, erméniye 207 eskirining ölgenlikini uqturghanidi.