қазақистан пайтәхтниң намини қайтидин «астанә»гә өзгәртишни қарар қилди

түркийә авази радийоси хәвири: қазақистан парламентиниң йуқири - төвән палаталири бирләшмә музакирә елип берип, дөләт асасий қануниниң бәзи маддилириға өзгәртиш киргүзүшни мәзмун қилған қанун лайиһәсини қобул қилди؛ асасий қанунға киргүзүлгән бу қетимқи түзитишниң роһиға асасән, пайтәхт нурсултанниң исми қайтидин астаниға өзгәртилидикән, лаһийә пирезидент қасим җомәрт токайев имза қойған күндин башлап күчкә игә болидикән.

буниңдин илгири, қазақистан парламентиниң бир гуруппа парламент әзаси, хәлқниң пайтәхтниң йеңи нами (нур-султан) ни қобул қилалмиғанлиқини оттуриға қойуп, шәһәргә кона исими «астанә»ни қайтуруп бериш тәклипини оттуриға қойғаниди.

қазақистан президенти қасим җомәрт токайев 9-айниң 12-күни асасий қанун кеңишигә илтимас сунуп, парламент әзалириниң мәзкур тәклипиниң асасий қанунниң роһиға мас келидиғанлиқи тоғрисида иҗабий җавабқа еришкәниди.

қазақистанниң қурғучи пирезиденти нурсултан нәзәрбайев, 2019-йили 19-март пирезидентлиқ вәзиписидин истепа берип бир күндин кейин парламентта вәзипә тапшурулған алған пирезидент токайев пайтәхт астанәниң намини нур султанға өзгәртиш тәклипини оттуриға қойғаниди.

дөләтниң охшимиған җайлирида өткүзүлгән намайиш вә мураҗиәтнамиләргә қаримай, бу тәклип 2019-йили 23-март парламентта бирдәк қобул қилинип, дөләтниң пайтәхтиниң исми «нур султан»ға өзгәртилгәниди.