dunyaning közi özbékistanning tarixi shehiri semerqentte ötküzülidighan yighinda bolidu
18 - nöwetlik ottura asiya-yawropa ittipaqi tashqi ishlar ministirliri uchrishishi noyabirda özbékistanning tarixi shehiri semerqentte ötküzülidu.
türkiye awazi radiyosi xewiri: özbékistan tashqi ishlar ministirliqining bayanatigha asaslanghanda, tashqi ishlar ministirliqining yawropa ishliri bash diréktori aybek shahawdinow yawropa ittipaqining özbékistandiki muawin wekili mindagas kachérawskas bilen körüshüp, tereplerning hemkarliq mesilisini muzakirileshken.
muzakiride noyabirda semerqentte ötküzülidighan 18-nöwetlik ottura asiya-yawropa ittipaqi tashqi ishlar ministirliri uchrishishining teyyarliqliri we hemkarliqni ashurushqa munasiwetlik mesililer közdin kechürülgen.
bayanatqa asaslanghanda, ottura asiya-yawropa ittipaqi tashqi ishlar ministirliri uchrishishi dairiside terepler otturisidiki hemkarliqni tereqqiy qildurushqa alaqidar, ottura asiya-yawropa ittipaqi tashqi ishlar ministirliri 1- nöwetlik konféransimu ötküzülidiken.
ottura asiya-yawropa ittipaqi 17-nöwetlik tashqi ishlar ministirliri yighini ötken yili noyabirda tajikistanning paytexti düshenbede ötküzülgen idi.
